V Narayanan :ఇస్రో కొత్త చీఫ్ గా నారాయణన్

భారత అంతరిక్ష పరిశోధన సంస్థ (ఇస్రో) కొత్త చైర్మన్‌గా డాక్టర్‌ వి.నారాయణన్‌ (V narayanan )నియమితులయ్యారు. సంస్థకు  ప్రస్తుతం నాయకత్వం వహిస్తున్న ఎస్‌.సోమనాథ్‌ (S.Somnath) నుంచి ఆయన  ఈ నెల 14న బాధ్యతలు స్వీకరిస్తారు.  ఈ మేరకు క్యాబినెట్‌ నియామకాల కమిటీ నిర్ణయించింది. ఆయన రెండేళ్లపాటు ఈ పదవిలో ఉంటారు. నారాయణన్‌ ప్రస్తుతం ఇస్రో(ISRO )కు చెందిన లిక్విడ్‌ ప్రొపల్షన్‌ సిస్టమ్స్‌ సెంటర్‌ (ఎల్‌పీఎస్‌సీ)కు నేతృత్వం వహిస్తున్నారు. సంస్థలో నాలుగు దశాబ్దాలుగా వివిధ హోదాల్లో పనిచేశారు. రాకెట్‌, స్సేస్‌ క్రాఫ్ట్‌ చోదక వ్యవస్థల్లో ఆయనకు అపార అనుభవం ఉంది. ద్రవ, సెమీ క్రయోజెనిక్‌, క్రయోజెనిక్‌ చోదక వ్యవస్థల అభివృద్ధిలో ఆయన పాలుపంచుకున్నారు.