Donald Trump: నా ప్రతిపాదనకు రెండు దేశాలు అంగీకరించాయి : ట్రంప్‌

భారత్‌-పాక్‌ ఘర్షణను తానే ఆపానని ఇప్పటికే చాలాసార్లు ప్రకటించిన అమెరికా  అధ్యక్షుడు డొనాల్డ్‌ ట్రంప్‌ (Donald Trump) ఖతార్‌ (Qatar)లో మరోసారి అదే విషయాన్ని పునరుద్ఘాటించారు. భారత్‌-పాక్‌ (India-Pakistan) చాలా ఏళ్లుగా యుద్ధం చేస్తున్నాయని, తాను రంగంలోకి దిగి కాల్పులు విరమణకు రెండు దేశాలను ఒప్పించానని చెప్పారు. యుద్ధం వద్దు, వ్యాపారం చేద్దామంటూ తాను చేసిన ప్రతిపాదనను అంగీకరించాయని అన్నారు. నేను చేశానని చెప్పాలనుకోవడం లేదు.  కానీ గత వారం భారత్‌-పాక్‌ సమస్యను పరిష్కరించడానికి చాలా సాయం  చేశాను. అకస్మాత్తుగా చాలా భిన్నమైన క్షిపణులు కనిపించాయి. ఎలాగోలా సమస్యను పరిష్కరించాం అని అల్‌-ఉదైద్‌  (Al-Udayd ) వైమానిక స్థావరంలో  అమెరికా సైనిక సైనిక సిబ్బందిని ఉద్దేశించి మాట్లాడుతూ అన్నారు. ఘర్షణ ఆపానని ట్రంప్‌ ఇలా వివిధ వేదికలపై  ప్రకటించుకోవడం ఇది ఆరోసారి. యుద్ధం వద్దు, వ్యాపారం చేద్దామన్న  నా ప్రతిపాదనకు రెండు దేశాలు చాలా  సంతోషపడ్డాయి అని పేర్కొన్నారు.