CDK: హైదరాబాద్‌లో వ్యాపారాన్ని విస్తరించిన సీడీకే.. 50 వేల చదరపు అడుగుల కొత్త కేంద్రం ప్రారంభం

హైదరాబాద్: ఆటోమోటివ్ రిటైల్ సాఫ్ట్‌వేర్ రంగంలో అగ్రగామి సంస్థ అయిన సీడీకే (CDK), హైదరాబాద్‌లోని తమ కార్యాలయానికి అదనంగా 50,000 చదరపు అడుగుల విస్తీర్ణంలో కొత్త కేంద్రాన్ని ప్రారంభించినట్లు ఇవాళ ప్రకటించింది. ఈ విస్తరణ ఉత్తర అమెరికాలో తమ కార్యకలాపాలను బలోపేతం చేయడానికి అవసరమైన నైపుణ్యం, సాంకేతికతపై పెట్టుబడి పెట్టడానికి సీడీకేకి ఉన్న నిబద్ధతను నొక్కి చెబుతోంది.

మాదాపూర్‌లోని రహేజా మైండ్‌స్పేస్‌లో ఉన్న ఈ కేంద్రం, ఉత్పత్తిని వేగవంతం చేయడంతో పాటు వినియోగదారులకు మరింత సేవలను అందించనుంది. ఇది ఉత్తర అమెరికాలోని R&D, ఇన్నోవేషన్ బృందాలతో కలిసి పనిచేస్తూ.. సమగ్ర విధానాన్ని ప్రోత్సహిస్తుంది. ఈ అత్యాధునిక కార్యాలయం ఉద్యోగుల మధ్య సహకారం, సృజనాత్మకత, శ్రేయస్సును పెంపొందించే విధంగా రూపొందించారు. ఇందులో ఓపెన్ వర్క్‌స్పేస్‌లు, అత్యాధునిక సమావేశ గదులు, వినోద ప్రాంతాలు ఉన్నాయి. తద్వారా భారత్ అపారమైన ప్రతిభకు, నిరంతర ఆవిష్కరణలకు ఒక శక్తి కేంద్రమని సీడీకే మరోసారి స్పష్టం చేసింది.

“మా వినియోగదారులకు మరింత సౌలభ్యాన్ని అందించడానికి, నైపుణ్యాలను ఉపయోగించుకునేందుకు ఈ కేంద్రాన్ని ప్రారంభిస్తున్నాం” అని సీడీకే ఇండియా ఎండీ సందీప్ కుమార్ జైన్ అన్నారు. “ప్రపంచ స్థాయి వాతావరణాన్ని కల్పించడం ద్వారా, ముఖ్యంగా అధునాతన AI సాంకేతికతలో ప్రతిభావంతులను ఆకర్షిస్తాం. అలాగే, ఆటోమోటివ్ రిటైల్ అనుభవాన్ని పునర్నిర్వచించే సీడీకే సొల్యూషన్స్‌ను నిర్మించడంలో మా బృందాలకు కీలక పాత్ర పోషించడానికి అధికారం ఇస్తాం” అని వివరించారు.

సీడీకే హైదరాబాద్ కార్యాలయం… డీలర్లకు మరింత సులభంగా, సమర్థవంతంగా పనిచేయడానికి సహాయపడే కొత్త సాఫ్ట్‌వేర్లను రూపొందించడంపై దృష్టి పెడుతుంది. ఈ బృందం సీడీకే డీలర్‌షిప్ ఎక్స్‌పీరియన్స్ ప్లాట్‌ఫారమ్ను మెరుగుపరచడంపై పనిచేస్తుంది. దీని ద్వారా డీలర్లు తమ కస్టమర్లకు మెరుగైన సేవలను అందించగలరు. ఈ కార్యాలయంలోని బృందాలు ఉత్తర అమెరికాలోని CDK బృందాలతో కలిసి పనిచేస్తాయి. దీనివల్ల కంపెనీ మొత్తం ఒకే లక్ష్యంతో, కస్టమర్లకు సమర్థవంతమైన పరిష్కారాలను అందించగలుగుతుంది.

PwC సంస్థ నివేదిక ప్రకారం, కృత్రిమ మేధస్సు (AI), డిజిటల్ టెక్నాలజీల వాడకం పెరగడం వల్ల, గ్లోబల్ క్యాపబిలిటీ సెంటర్స్ (GCCలు)కి దేశ ప్రధాన కేంద్రాలుగా కొనసాగుతున్నాయి. ఈ పరిశ్రమ పోకడలకు అనుగుణంగానే, సీడీకే హైదరాబాద్‌లో పెట్టుబడి పెట్టింది.

సీడీకే చీఫ్ టెక్నాలజీ ఆఫీసర్ అలెక్స్ చాయ్ మాట్లాడుతూ.. “ప్రతిభ, అలాగే శక్తివంతమైన సాంకేతిక వాతావరణం కంపెనీ, మరియు అభివృద్ధికి చాలా కీలకం. ఈ కొత్త కార్యాలయం భవిష్యత్తు కోసం అవసరమైన సాంకేతికతలను రూపొందించాలనే మా నిబద్ధతను మరింత బలోపేతం చేస్తుంది. తద్వారా మా డీలర్ భాగస్వాములకు సరికొత్త పరిష్కారాలను అందించగలుగుతాం” అని పేర్కొన్నారు.