అమెరికా గాయనిపై ఉగ్రదాడికి కుట్ర.. భగ్నం చేసిన ఆస్ట్రియా

ఆస్ట్రియా భద్రతాధికారులు సకాలంలో స్పందించి పెనుముప్పు నివారించగలిగారు. అమెరికా గాయని టేలర్‌ స్విఫ్ట్‌ రాజధాని వియన్నాలో తలపెట్టిన కచేరిలో నరమేధానికి ఉగ్రవాదులు పన్నిన కుట్రను భగ్నం చేశారు. 19 ఏళ్ల ప్రధాన సూత్రధారి సహా 17 ఏళ్ల మరో యువకుడిని అరెస్ట్‌ చేశారు. 15 ఏళ్ల మరో అనుమానితుడిని ప్రశ్నిస్తున్నారు. ఎర్నెస్ట్‌ చాపెల్‌ స్టేడియానికి వచ్చే వారిని పేలుడు పదార్థాలు వాడి లేదా కత్తులతో పొడిచి సాధ్యమైనంత ఎక్కువమందిని చంపాలని పథకం వేసినట్లు తెలిపింది. వీరికి ఉగ్ర సంస్థ ఇస్లామిక్‌ స్టేట్‌ (ఐఎస్‌) తో సంబంధాలున్నట్లు సోదాల్లో అధికారులు గుర్తించారు. ఈ పరిణామం నేపథ్యంలో టేలర్‌ పాల్గొనాల్సిన మొత్తం మూడు కచేరీలను రద్దు చేశారు.