అమెరికాలో దారుణం.. సిక్కు యువకుడిపై

అగ్రరాజ్యం అమెరికాలో ఆసియా వాసులపై దాడులు కొనసాగుతున్నాయి. తాజాగా బ్రూక్లిన్‍లోని ఓ హోటల్‍లో సుమిత్‍ అహ్లూవాలియా అనే సిక్కు యువకుడిపై ఓ నల్లజాతీయుడు సుత్తితో దాడిచేసి గాయపర్చాడు. దాడి సమయంలో ఆ వ్యక్తి నువ్వంటే నాకు ఇష్టం లేదు. నీ శరీరం రంగు నాలాగా లేదు అంటూ పెద్దగా కేకలు పెట్టాడు. దాంతో జాతి వివక్ష కోణంలో ఈ దాడి జరిగిందా? అనే కోణంలో అధికారులు విచారణ చేపట్టారు.

ఏప్రిల్‍ 26వ తేదీన బ్రౌన్స్విల్లేలో నేను పనిచేస్తున్న ది క్వాలిటీ ఇన్‍ హోటల్‍కు ఒక నల్లజాతీయుడు వచ్చాడు. అతడు లాబీలోకి చేరి పెద్దగా అరవడం మొదలుపెట్టాడు. దీంతో అక్కడే ఉన్న రిసెప్షనిస్టు ఏం కావాలని ప్రశ్నించింది. అదే సమయంలో నేను వెళ్లి అతనితో మాట్లాడాను. కానీ, ప్రయోజనం లేకపోవడంతో సెక్యూరిటీ సిబ్బందిని పిలిచాను. దాంతో అతడు కోపంతో జేబులో చేతులు పెట్టుకొని నావైపు వేగంగా వచ్చాడు. అతడి దగ్గర తుపాకీ ఉందని భయపడి నువ్వు నా సోదరుడివి అంటూ అనునయించే ప్రయత్నం చేశాను. అయినా, నీ చర్మం రంగు వేరు, నా చర్మం రంగు వేరు అంటూ అతడు జేబులో నుంచి సుత్తి బయటకు తీసి నా తలపై దాడి చేశాడు అని సుమిత్‍ పోలీసులకు ఫిర్యాదు చేశారు. సుమిత్‍కు ఓ సిక్కు సంస్థ న్యాయసహాయం అందిస్తామని పేర్కొంది.