Jackpot: హైదరాబాదీ వాచ్ మెన్ కు జాక్ పాట్.. రాత్రికి రాత్రే

దుబాయ్‌లో వాచ్‌మెన్‌గా పనిచేస్తున్న హైదరాబాదీ రాత్రికి రాత్రే కోటీశ్వరుడయ్యాడు. హైదరాబాద్‌(Hyderabad) కు చెందిన 60 ఏళ్ల నాంపల్లి రాజమల్లయ్య (Rajamallayya )దుబాయ్‌లో వాచ్‌మెన్‌గా పనిచేస్తున్నాడు. ఇతనికి తరచూ లాటరీ టికెట్లు (Lottery tickets) కొనే అలవాటుంది. అలవాటులో భాగంగా బిగ్‌ టికెట్‌ అనే లాటరీ టికెట్‌ కొనుగోలు చేశారు. ఈసారి అదృష్టం వరించి అతనికి లాటరీ తగిలింది. ఇటీవల ప్రకటించిన బిగ్‌ టికెట్‌ (Big Ticket ) మిలియనీర్‌ ఎలక్ట్రానిక్‌ లక్కీ డ్రాలో రాజమల్లయ్య విజేతగా నిలిచాడు. ఈ లక్కీ డ్రాలో రాజమల్లయ్య వన్‌ మిలియన్‌ దిర్హామ్‌ (రూ.2 కోట్ల 32 లక్షల 76 వేల 460) గెలుపొందాడు. ఓ బిల్డింగ్‌కి వాచ్‌మెన్‌గా పనిచేస్తున్న రాజమల్లయ్య 30 ఏళ్ల నుండి లాటరీ కొంటున్నట్లు తెలిపాడు. ఎట్టకేలకు లాటరీ గెలుపోందడంతో రాజమల్లయ్య ఆనందానికి అవధులు లేకుండా పోయాయి. ఈ ఫ్రైజ్‌ మనీని తాను టికెట్‌ కొనడానికి  సాయం చేసిన  స్నేహితులతో పంచుకుంటానని, మిగతా మొత్తాన్ని కుటుంబ భవిష్యత్తు కోసం ఉపయోగిస్తానని ఆయన తెలిపాడు.