జూనియర్ ట్రంప్ గర్ల్ఫ్రెండ్కు కరోనా
- Published By: techteam
- July 4, 2020 / 08:06 PM IST
అమెరికా అధ్యక్షుడు డొనాల్డ్ ట్రంప్ పెద్ద కుమారుడు డొనాల్డ్ ట్రంప్ జూనియర్ గర్ల్ఫ్రెండ్కు కరోనా సోకినట్లు యుఎస్ వీడియా వెల్లడించింది. గతంలో ఫాక్స్ న్యూస్ టెలివిజన్లో పనిచేసిన 51 ఏళ్ల కింబర్లీ గిల్ఫాయల్, జూనియర్ ట్రంప్ డేటింగ్లో ఉన్న విషయం విదితమే. నిజానికి కింబర్లీ అమెరికా అధ్యక్షుడు ట్రంప్తో కలిసి దక్షిణా డకోటాలో ఎన్నికల సభకు హాజరు కావాల్సి ఉండగా, తాజాగా కరోనా పాజిటివ్ అని తేలడంతో వెంటనే ఐసోలేషన్లోకి వెళ్లిపోయారు. జూనియర్ ట్రంప్ గర్ల్ఫ్రెండ్ ప్రస్తుతం ట్రంప్ ప్రచార కమిటీ బృందంలో సీనియర్ ఫండ్ రైజర్గా వ్యవహరిస్తున్నారు. ఈ విషయంపై ట్రంప్ ప్రచార ఫినాన్స్ కమిటీ చీఫ్ స్టాఫ్ సెర్గియో గోర్ మాట్లాడుతూ కింబర్లీ ఆరోగ్య పరిస్థితి బాగానే ఉందని తెలిపారు. ఆమెకు కరోనా లక్షణాలు ఏవీ లేనప్పటికీ కరోనా పాజిటివ్ తేలినట్లు వెల్లడించారు. మరోసారి కరోనా నిర్ధారణ పరీక్ష నిర్వహిస్తామని తెలిపారు. జూనియర్ ట్రంప్కు కూడా కరోనా పరీక్షలు చేయగా నెగిటివ్ వచ్చింది. ట్రంప్ సన్నిహిత వ్యక్తుల్లో కరోనా సోకిన వారిలో కింబర్లీ మూడవ వ్యక్తి కావడం విశేషం.
