BATA:ఘనంగా బే ఏరియా ‘సంక్రాంతి సంబరాలు’.. ముగ్గుల పోటీలకు ఆహ్వానం

మిల్పిటాస్: అమెరికాలోని కాలిఫోర్నియాలో ఉన్న తెలుగు వారి కోసం బే ఏరియా తెలుగు అసోసియేషన్ (BATA) అత్యంత వైభవంగా ‘సంక్రాంతి సంబరాలు 2026’ నిర్వహించేందుకు సిద్ధమైంది. ఈ వేడుకల్లో భాగంగా మన సంప్రదాయ కళను ప్రతిబింబించేలా మహిళల కోసం ప్రత్యేకంగా ముగ్గుల పోటీలను (Rangoli Competition) ఏర్పాటు చేశారు.

కార్యక్రమ వివరాలు:

తేదీ: జనవరి 25, ఆదివారం, 2026.

సమయం: ఉదయం 11 గంటల నుండి రాత్రి 9 గంటల వరకు.

వేదిక: ఇండియా కమ్యూనిటీ సెంటర్, 525 లోస్ కోచెస్ సెయింట్, మిల్పిటాస్.

ప్రధాన ఆకర్షణ: తెలుగు లోగిళ్ల అందాలను అమెరికా గడ్డపై ఆవిష్కరించేలా ఈ రంగోలీ పోటీలు సాగనున్నాయి.

సంక్రాంతి పండుగ వాతావరణాన్ని గుర్తుచేసేలా సాంస్కృతిక ప్రదర్శనలు, పండుగ సందడి మధ్య ఈ పోటీలు జరగనున్నాయి. ఆసక్తి గల వారు, ఈ పోటీలలో పాల్గొనదలచిన వారు టిక్కెట్లు లేదా రిజిస్ట్రేషన్ కోసం www.bata.org వెబ్‌సైట్‌ను సందర్శించాలని నిర్వాహకులు కోరారు.