Yellamma: టాలీవుడ్ కాంతారగా ‘ఎల్లమ్మ’ అవుతుందా? బలగం వేణు ప్లానేంటి

‘బలగం’ సినిమాతో దర్శకుడిగా సంచలనం సృష్టించిన వేణు యెల్దండి, తన రెండో ప్రయత్నంగా ‘ఎల్లమ్మ’తో ప్రేక్షకుల ముందుకు వస్తున్నారు. తాజాగా విడుదలైన ఈ చిత్ర గ్లింప్స్ సోషల్ మీడియాలో వైరల్ అవుతుండటమే కాకుండా, సినిమాపై భారీ అంచనాలను పెంచేసింది.

నటుడిగా రాక్ స్టార్ డీఎస్పీ ఎంట్రీ
ఈ సినిమాలోని అతిపెద్ద సర్ ప్రైజ్ ఏంటంటే.. ప్రముఖ సంగీత దర్శకుడు దేవి శ్రీ ప్రసాద్ (DSP) ఇందులో హీరోగా నటిస్తున్నారు. గ్లింప్స్‌లో ఆయన నటన, వేణు మేకింగ్ స్టైల్ చూస్తుంటే ఇది కేవలం సినిమా మాత్రమే కాదు, ఒక దైవిక అనుభూతిని ఇచ్చేలా కనిపిస్తోంది. గజ్జెలు కట్టిన కాళ్లు, మేక బలి ఇచ్చే దృశ్యాలు, ఆకాశంలో అమ్మవారి రూపం.. ఇలా ప్రతి ఫ్రేమ్ నెక్స్ట్ లెవల్‌లో ఉంది.

టాలీవుడ్ ‘కాంతార’ కాబోతోందా?
గ్లింప్స్ చూసిన నెటిజన్లు ఈ చిత్రాన్ని కన్నడ హిట్ సినిమా ‘కాంతార’తో పోలుస్తున్నారు. ఆ సినిమాలో రిషబ్ శెట్టి దైవత్వంతో కూడిన నటనను ఎలాగైతే ప్రదర్శించారో, ‘ఎల్లమ్మ’లో దేవి శ్రీ ప్రసాద్ కూడా అదే స్థాయిలో మెప్పిస్తారని భావిస్తున్నారు. ఈ చిత్రం పాన్ ఇండియా లెవల్‌లో విడుదల కానుండటంతో దేశవ్యాప్తంగా దీనిపై ఆసక్తి నెలకొంది.

• దర్శకత్వం: వేణు యెల్దండి (బలగం ఫేమ్)
• హీరో: దేవి శ్రీ ప్రసాద్ (తొలి చిత్రం)
• సంగీతం: దేవి శ్రీ ప్రసాద్
• శైలి: డివోషనల్ యాక్షన్ డ్రామా

వేణు యెల్దండి రెండేళ్ల కష్టం ఈ గ్లింప్స్‌లో స్పష్టంగా కనిపిస్తోంది. బలగం వంటి ఎమోషనల్ హిట్ తర్వాత వేణు ఈసారి అంతకు మించి విజయం సాధించేలా కనిపిస్తున్నారు.