జొమాటో అరుదైన రికార్డ్ …

ప్రముఖ ఫుడ్‌ డెలివరీ కంపెనీ జొమాటో అరుదైన రికార్డ్‌ సొంతం చేసుకుంది. అత్యవసర సమయాల్లో ఉన్నవారికి వైద్య సాయం అందించేలా తమ డెలివరీ భాగస్వాములను తీర్చిదిద్దింది. ఒకే వేదికపై 4,300 మంది డెలివరీ పార్ట్‌నర్స్‌కు సీపీఆర్‌ శిక్షణ అందించి గిన్నిస్‌ రికార్డును కైవసం చేసుకుంది. ఈ విషయాన్ని జొమాటో సీఈఓ దీపిందర్‌ గోయల్‌ తెలిపారు. ముంబయిలో నిర్వహించిన ఓ వేదికలో ఏకంగా 4,300 మంది డెలివరీ పార్టనర్స్‌కు ప్రథమ చికిత్స ఎలా అందించాలో నేర్పించాం. దీంతో గిన్నిస్‌ రికార్డ్‌ సొంతం చేసుకున్నాం. ప్రస్తుతం జొమాటోలో 30,000 కంటే ఎక్కువ డెలివరీ భాగస్వాములు వైద్యం అందించడానికి, రోడ్‌సైడ్‌ ఎమర్జెన్సీ సమయంలో సాయం అందించడానికి వృతిపరంగా శిక్షణ పొందారు అని గోయల్‌  పేర్కొన్నారు.