Claude Cowork: ఐటీ రంగాన్ని షేక్ చేస్తున్న ఆంత్రోపిక్ క్లాడ్ కోవర్క్.. సాఫ్ట్‌వేర్ దిగ్గజాలకు కొత్త టెన్షన్!

Claude Cowork: సాంకేతిక ప్రపంచంలో సరికొత్త విప్లవం మొదలైంది. ఆంత్రోపిక్ సంస్థ రీసెంట్‌గా లాంచ్ చేసిన ‘క్లాడ్ కోవర్క్’ (Claude Cowork) పది రోజుల్లోనే ఐటీ రంగాన్ని విస్మయానికి గురి చేస్తోంది. ఇది కేవలం సమాచారం ఇచ్చే చాట్‌బాట్ మాత్రమే కాదు, కంప్యూటర్‌లో స్వయంగా పనులు చేయగలిగే ‘ఏజెంటిక్ ఏఐ’. దీని రాకతో మైక్రోసాఫ్ట్, సేల్స్‌ఫోర్స్ వంటి దిగ్గజ కంపెనీల మార్కెట్ స్థానాలు కూడా ప్రభావితమవుతున్నాయి.

క్లాడ్ కోవర్క్ అంటే ఏమిటి?

ఇది ఒక అడ్వాన్స్‌డ్ ఏఐ అసిస్టెంట్. సాధారణ ఏఐలు మనం అడిగిన ప్రశ్నలకు సమాధానాలు ఇస్తాయి, కానీ ‘కోవర్క్’ మీ కంప్యూటర్‌లోని ఫైళ్లను రీడ్ చేయడం, ఎడిట్ చేయడం, ఆర్గనైజ్ చేయడం వంటి పనులను నేరుగా చేస్తుంది. ప్రస్తుతం ఇది macOS యూజర్లకు ‘క్లాడ్ మ్యాక్స్’ సబ్‌స్క్రిప్షన్ ద్వారా అందుబాటులో ఉంది.

అద్భుతమైన వేగం: వందలాది బిల్లులను స్కాన్ చేసి నిమిషాల్లో ఎక్సెల్ రిపోర్ట్స్ తయారు చేయడం, చెల్లాచెదురుగా ఉన్న ఫైళ్లను క్రమ పద్ధతిలో అమర్చడం వంటివి క్షణాల్లో పూర్తి చేస్తుంది.

ఏఐ చేతుల్లో కోడింగ్: విచిత్రమేమిటంటే, ఈ టూల్ కోసం కావాల్సిన కోడింగ్‌ను క్లాడ్ ఏఐ తనంతట తానుగా కేవలం 10 రోజుల్లోనే రాసుకోవడం విశేషం.

లీగల్, ఫైనాన్స్ సాయం: కాంట్రాక్టులను రివ్యూ చేయడం, నిబంధనలను చెక్ చేయడం వంటి క్లిష్టమైన పనులను కూడా ఇది సులభతరం చేస్తుంది.

భవిష్యత్తుపై ప్రభావం: రాబోయే రోజుల్లో మనం వాడే చాలా సాఫ్ట్‌వేర్ అప్లికేషన్ల అవసరం లేకుండా ఈ ఏఐ ఒక్కటే అన్ని పనులను చక్కబెట్టే అవకాశం ఉంది. అయితే, పర్సనల్ ఫైళ్లకు ఏఐకి యాక్సెస్ ఇవ్వడం వల్ల భద్రతాపరమైన ముప్పులు (Data Privacy) ఉండవచ్చని నిపుణులు హెచ్చరిస్తున్నారు. ఏదేమైనా, 2030 నాటికి సాఫ్ట్‌వేర్ రంగం స్వరూపమే మారిపోనుందని టెక్ విశ్లేషకులు భావిస్తున్నారు.

వాట్సప్‌లో ఫాలో అవ్వండి