యునైటెడ్ ఎయిర్‌లైన్స్‌ ఆఫర్.. ఒక్క పాస్ తో 100 దేశాలు

అమెరికాకు చెందిన యునైటెడ్‌ ఎయిర్‌లైన్స్‌ 1990లో ఓ ఆఫర్‌ ప్రకటించింది. విమాన పాస్‌పు కొంటే జీవితాంతం తమ విమానాల్లో ఉచితంగా ప్రయాణించవచ్చని తెలిపింది. దీంతో న్యూజెర్సీకి చెందిన టామ్‌ స్టక్‌(69) దాన్ని కొనుగోలు  చేశాడు. అందుకోసం ఆయన 2.9 లక్షల డాలర్లను చెల్లించాడు. ఆ టికెట్‌ కొనుగోలు చేసింది మొదలు, ఇప్పటిదాకా టామ్‌ స్టకర్‌ 3.7 కోట్ల కి.మీల మేర విమాన ప్రయాణం చేశాడంటే ఆశ్చర్యం కలగకమానదు. అలా ఇప్పటివరకు 100 దేశాలు సందర్శించాడు. ఈ ప్రయాణాల కోసం టికెట్‌ కొనాల్సి వస్తే 24 లక్షల డాలర్లు ఖర్చుయ్యేదట. సుదీర్ఘ ప్రయాణాలు చేయడం ద్వారా వచ్చే పాయింట్లు, గిప్టు కార్డుల ద్వారా ఆదాయమూ వచ్చేది. ఇలా వచ్చిన దాంతో టామ్‌ స్టకర్‌ తన భార్యతో 120 సార్లు హనీమూన్‌ వెళ్లినట్లు తెలిపారు.