సాంకేతిక పరిజ్ఞానంతో అద్భుతమైన సోలార్ కారు …

అమెరికాలోని కాలిఫోర్నియాకు చెందిన అప్టెరా ఎలక్ట్రిక్‍ కార్ల కంపెనీ సరికొత్త సాంకేతిక పరిజ్ఞానంతో భవిష్యత్తు అవసరాలకు తగిన విధంగా ఉండేలా అద్భుతైమన ఓ కార్ల మోడల్‍ను తీసుకొస్తోంది. గంటకు 110 మైళ్ల వేగంతో దూసుకెళ్లే ఈ కార్లను ఎన్నడూ 24 గంటల లోపల చార్జింగ్‍ చేయాల్సిన అవసరమే లేదట. కారుకు అమర్చిన సోలార్‍ పానెళ్లతో చార్జవుతూ కారు ముందుకు దూసుకెళుతుంది. రాత్రి ప్రయాణాల్లో సూర్య కిరణాలు తగలవు కనుక వెయ్యి మైళ్ల వరకు సునాయాసంగా తీసుకెళ్లే బ్యాటరీని దీనికి అమర్చారు. దాన్ని కూడా ప్రత్యేకంగా చార్జింగ్‍ చేయాల్సిన అవసరం లేదట. సోలార్‍ ప్యానెళ్ల సహకారంతో కారు నడుస్తున్నప్పుడే ఈ బ్యాటరీ చార్జవుతుందట.

సోలార్‍ కార్ల రంగంలో ప్రపంచ ప్రసిద్ధి చెందిన టెల్సా కంపెనీ మోడల్‍ కార్ల స్పేర్‍ బ్యాటరీతో 370 మైళ్లు మాత్రమే నడిచే అవకాశం ఉండగా, తమ మోడల్‍ సరికొత్త సోలార్‍ కారు వెయ్యి మైళ్ల వరకు బ్యాటరీ సహాయంతో దూసుకెళుతుందని కంపెనీ వర్గాలు ప్రకటించాయి.