H-1B VISA : అమెరికన్‌ ఉద్యోగులకు హెచ్‌-1బి ముప్పు!

మంచి వేతనాలను అందుకునే అమెరికన్‌  ఉద్యోగులను తొలగించేందుకే హెచ్‌-1బి (H-1B VISA) ఉపయోగపడుతోందని అమెరికన్‌ సెనెటర్‌ బెర్నీ శాండర్స్‌ (Bernie Sanders) ఆరోపించారు. వారి స్థానంలో తక్కువ  వేతనాలకు వచ్చే విదేశీ కార్మికులను అధిక సంఖ్యలో కంపెనీలు నియమించుకుంటున్నాయని ఆక్షేపించారు. హెచ్‌-1బి వీసాలకు అవకాశం కల్పిస్తున్న లాకెన్‌ రిలే చట్టాన్ని సవరించాలని కోరుతూ  చట్టసభలో ఒక ప్రతిపాదనను శాండర్స్‌ ప్రవేశపెట్టారు. హెచ్‌-1బీ వీసాల కోసం కంపెనీలు చెల్లించాల్సిన రుసుములను రెట్టింపు చేయాలన్నారు. దీని ద్వారా లభించే ఆదాయంతో 20వేల మంది అమెరికన్‌ విద్యార్థుల(American students )కు ఉపకార వేతనాలు ఇవ్వవచ్చని తెలిపారు.  హెచ్‌-1బి కార్మికులకు కంపెనీలు చెల్లించే వేతనాలను కూడా భారీగా పెంచాలని డిమాండ్‌ చేశారు. తక్కువ వేతనాలకు వచ్చే విదేశీ కార్మికులను నియమించుకోవడం ద్వారా కార్పొరేట్‌ సంస్థలు భారీ మొత్తంలో డబ్బును మిగుల్చుకుంటున్నాయని విమర్శించారు. హెచ్‌-1బీ వీసాలను సమర్థిస్తున్న టెస్లా అధినేత ఎలాన్‌ మస్క్‌(Elon Musk), భారతీయ అమెరికన్‌ పారిశ్రామికవేత్త వివేక్‌ రామస్వామి(Vivek Ramaswamy ) లపైనా శాండర్స్‌ విమర్శలను సంధించారు.