Khairatabad:ఖైరతాబాద్‌ మహాగణపతి కి  కర్ర పూజ

ఖైరతాబాద్‌ మహాగణపతి (Maha Ganapati) ఈ ఏడాది శ్రీ విశ్వశాంతి మహాశక్తి గణపతిగా భక్తులకు దర్శనమివ్వనున్నారు. ఖైరతాబాద్‌లో జరిగే మహాగణపతి 71వ వేడుకలకు నిర్జల ఏకాదశి సందర్భంగా కర్ర పూజ (తొలిపూజ) జరిగింది. ఈ సందర్భంగా ఈ ఏడాది రూపుదిద్దుకోనున్న విగ్రహ నమూనా చిత్రాన్ని విడుదల చేశారు. ఈసారి 69 అడుగుల మట్టి గణపతి విగ్రహాన్ని ఏర్పాటు చేయనున్నట్టు నిర్వాహకులు తెలిపారు. ఈ కార్యక్రమంలో  ఖైరతాబాద్‌ ఎమ్మెల్యే, గణేష్‌ ఉత్సవ కమిటీ అధ్యక్షుడు దానం నాగేందర్‌ (Danam Nagender) , రాజ్యసభ సభ్యుడు  అనిల్‌ యాదవ్‌ (Anil Yadav) , నగర మేయర్‌ గద్వాల్‌ విజయలక్ష్మి (Gadwal Vijayalakshmi) , మాజీ ఎమ్మెల్యే చింతల రామచంద్రారెడ్డి, కార్పొరేటర్‌ విజయారెడ్డి, ఉత్సవ కమిటీ సభ్యులు పాల్గొన్నారు.