Chandrababu: ఏపీలో గ్రంథాలయాల ఆధునీకరణకు నూతన చైతన్యం.. కొత్త డైరెక్టర్లకు బాధ్యతలు

ఏపీ ముఖ్య మంత్రి చంద్రబాబు (Chandrababu) విద్య, పుస్తకాలపై ఆసక్తి చూపిస్తూ తాజాగా కీలక నిర్ణయం తీసుకుంది. ఇప్పటికే అనేక కార్పొరేషన్‌లు, కమిషన్లకు నూతన నేతలను నియమించిన ప్రభుత్వం ఇప్పుడు గ్రంథాలయ పరిషత్‌కు కూడా డైరెక్టర్లను నియమిస్తూ ఉత్తర్వులు జారీ చేసింది. ఈ నియామకాలు రాష్ట్రంలోని పఠన సంస్కృతి పెంపొందించడమే కాకుండా, విద్యారంగంలో ప్రజల చైతన్యం పెంచేందుకు దోహదపడతాయని అధికారులు అంటున్నారు.

ప్రభుత్వం ఈసారి నాలుగు జిల్లాలకు డైరెక్టర్లను నియమించింది. విశాఖపట్నం (Visakhapatnam) జిల్లాకు డాక్టర్ కె. సోమశేఖర్ రావు (Dr. K. Somashekar Rao), బొబ్బిలి (Bobbili ) మరియు విజయనగరం (Vizianagaram) జిల్లాలకు రౌతు రామమూర్తి (Rauthu Ramamurthy), గుంటూరు (Guntur) జిల్లాకు మగతాల పద్మజ (Magatala Padmaja), తిరుపతి (Tirupati) జిల్లాకు డాక్టర్ వెంకట రామయ్య (Dr. Venkata Ramayya) డైరెక్టర్లుగా బాధ్యతలు చేపట్టనున్నారు.

ఈ కొత్త నియామకంతో ప్రతి జిల్లా గ్రంథాలయ అభివృద్ధి దిశగా ప్రత్యేకంగా దృష్టి సారించనుంది. డిజిటల్ పద్ధతుల ద్వారా లైబ్రరీలను ఆధునీకరించడం, కొత్త పుస్తకాల సేకరణ, ఈ-లైబ్రరీల ఏర్పాటుతో పాటు పాఠకులకు మరింత ఉపయోగపడే సదుపాయాలను అందుబాటులోకి తేవాలన్నది వారి లక్ష్యంగా ఉండనుంది.

ఇక నూతన డైరెక్టర్లు జిల్లాల పరిధిలో మొబైల్ లైబ్రరీల స్థాపనపై కూడా దృష్టి పెట్టనున్నారు. ముఖ్యంగా గ్రామీణ ప్రాంతాల్లో చదువు తక్కువగా ఉండే ప్రాంతాల్లో ఈ సేవల ద్వారా ప్రజల్లో పఠన తత్వాన్ని పెంచాలని భావిస్తున్నారు. ఈ లక్ష్యంతో ఆన్‌లైన్ రీడింగ్ రూమ్స్, ఆడియో బుక్స్, డిజిటల్ పేపర్లను అందించేందుకు సాంకేతికతను వినియోగించాలని ప్రభుత్వం ఆలోచిస్తోంది.

ఇలాంటి చర్యల ద్వారా విద్యార్థులు, సామాన్య ప్రజలకు కూడా చదువుపై ఆసక్తి పెరిగే అవకాశముందని నిపుణులు చెబుతున్నారు. ఆధునికత, సౌకర్యాల కలయికతో రూపొందించబోయే ఈ పథకాలు రాష్ట్రంలో గ్రంథాలయాల పాత్రను మరింత బలోపేతం చేయనున్నాయి. ప్రభుత్వం తీసుకున్న ఈ అడుగు రాష్ట్రంలో చదువుకునే అలవాటు పెరిగే దిశగా ముందడుగు అనే అభిప్రాయం వ్యక్తమవుతోంది.