Dr. Sudhakar : డాక్టర్‌ సుధాకర్‌ కుమారుడుకి ఉద్యోగం : మంత్రి అనిత

వైసీపీ ప్రభుత్వ హయాంలో వేధింపులతో మృతిచెందిన డాక్టర్‌ సుధాకర్‌ (Dr. Sudhakar) కుటుంబాన్ని ఆదుకునేందుకు ప్రత్యేక చొరవ తీసుకున్న ముఖ్యమంత్రి చంద్రబాబు(Chandrababu),  డిప్యూటీ సీఎం పవన్‌ కల్యాణ్‌ (Pawan Kalyan) , మంత్రి  నారా లోకేశ్‌ (Nara Lokesh)కు హోంమంత్రి అనిత (Home Minister Anita) ధన్యవాదాలు తెలిపారు. సహకార శాఖలో జూనియర్‌ అసిస్టెంట్‌గా  పనిచేస్తున్న సుధాకర్‌ కుమారుడు లలిత్‌ప్రసాద్‌ (Lalithprasad)కు ఉద్యోగా హోదా పెంచి గ్రూప్‌`2  సేవల కింద రెవెన్యూ శాఖలో డిప్యూటీ తహసీల్దారుగా నియమించింది. ఈ నేపథ్యంలో అనిత స్పందించారు. మాస్క్‌ అడిగినందుకు జగన్‌ ప్రభుత్వం ఆనాడు సుధాకర్‌ను ఎంతలా చిత్రహింసలకు గురిచేసిందో ప్రజలంతా చూశారని అన్నారు. ఆయనతో పాటు ఆ కుటుంబం పడిన మానసిక వేదనను  ప్రత్యక్షంగా చూశానని గుర్తు చేశారు. జగన్‌ దురహంకారానికి బలైన సుధాకర్‌ను తిరిగి తీసుకురాలేమని, ఆయన కుమారుడికి డిప్యూటీ తహసీల్దార్‌  ఉద్యోగం ఇవ్వాలని క్యాబినెట్‌ నిర్ణయించడం దళితుల పట్ల కూటమి  ప్రభుత్వానికి ఉన్న చిత్తశుద్ధికి నిదర్శమని తెలిపారు. ఇచ్చిన హామీ మేరకు సీఎం చంద్రబాబు బాధ్యత తీసుకుని సుధాకర్‌ కుటుంబానికి న్యాయం చేశారన్నారు.