ఖాతాదారులకు ఎస్‌బీఐ భారీ షాక్!

బ్యాంకు ఖాతాదారులకు ఎస్‌బీఐ భారీ షాకిచ్చింది. ఇప్పటికే మార్జినల్‌ కాస్ట్‌ ఆఫ్‌ లెండింగ్‌ రేట్‌ (ఎంసీఎల్‌ ఆర్‌) రుణాల్ని 10 బీపీఎస్‌ పాయింట్లు పెంచుతూ నిర్ణయం తీసుకున్న విషయం తెలిసిందే. అయితే తాజాగా సవరించిన ఈఎంసీఎల్‌ఆర్‌ వడ్డీ రేట్లు నేటి నుంచి అమల్లోకి రానున్నాయి. దీంతో నేటి నుంచి రుణాలు తీసుకున్న వారు, లేదంటే తీసుకునే ప్రయత్నాల్లో ఉన్న వారికి మరింత అదనపు భారం పడనుంది. ఈ ఎంసీఎల్‌ఆర్‌ వడ్డీ రేట్లు సామాన్యుడిపై తీవ్ర ప్రభావం చూపనుంది. ముఖ్యమంగా హోం లోన్‌, పర్సనల్‌ లోన్‌, కార్‌ లోన్‌పై చెల్లించే ఈఎంఐ పెరగనుంది.