Kurnool Accident: బస్సు ప్రమాదంపై పీఎం మోడీ, ప్రెసిడెంట్ ముర్ము దిగ్భ్రాంతి

ఉపరాష్ట్రపతి సీపీ రాధాకృష్ణన్ (CP Radhakrishnan) కూడా ఈ ప్రమాదంపై తీవ్ర విచారం వ్యక్తం చేశారు. ఈ తరహా ఘటనలు ప్రజా రవాణాలో భద్రతా ప్రమాణాలపై అనేక ప్రశ్నలు లేవనెత్తుతాయని, ఇలాంటి వాటికి బాధ్యులను గుర్తించడం అత్యంత అవసరమని అభిప్రాయపడ్డారు.
ప్రధానమంత్రి నరేంద్ర మోడీ కూడా ఈ ఘోర రోడ్డు ప్రమాదం తనను కలచి వేసిందన్నారు. తాను బాధిత కుటుంబాల గురించే ఆలోచిస్తున్నట్లు తెలిపారు. ఈ కష్టకాలంలో వారికి అండగా ఉండేందుకుగాను, పీఎం రిలీఫ్ ఫండ్‌ నుంచి ఆర్థిక సాయం ప్రకటించారు. ప్రమాదంలో మృతి చెందిన వారి కుటుంబాలకు రూ.2 లక్షలు, గాయపడిన వారికి రూ.50 వేలు చొప్పున ఆర్థిక సహాయం అందిస్తామని మోడీ (PM Modi) ప్రకటించారు.