Foreigners: 16వేల మంది విదేశీయుల బహిష్కరణ : కేంద్రం!

దేశం నుంచి 16 వేల మంది విదేశీయుల (Foreigners) ను బహిష్కరించడానికి కేంద్రం చర్యలు తీసుకుంటున్నట్లు ప్రభుత్వ వర్గాలు పేర్కొన్నాయి. భారత్‌ (India) లో ఇటీవల అమల్లోకి వచ్చిన కొత్త  వలస చట్టాల ప్రకారం ఈ నిర్ణయం  తీసుకున్నట్లు సమాచారం. నార్కోటిక్స్‌ (Narcotics)  రవాణా, ఇతర నేరాలతో సంబంధమున్న దాదాపు 16,000 మంది విదేశీయులను దేశంలోని పలు ప్రాంతాల్లో నార్కోటిక్స్‌ కంట్రోల్‌ బ్యూరో అదుపులోకి తీసుకున్నట్లు ప్రభుత్వ వర్గాలు తెలిపాయి. ప్రస్తుతం నిర్బంధ కేంద్రాల్లో ఉన్నవారందరినీ దేశం నుంచి బహిష్కరించడానికి హోం వ్యవహారాల మంత్రిత్వశాఖ (Ministry)  ప్రణాళికలు సిద్ధం చేస్తున్నట్లు తెలిసింది.