కొత్త చట్టాన్ని తీసుకొచ్చిన ఆస్ట్రేలియా

పిల్లలకు సామాజిక మాధ్యమాలు ఎంతో హాని చేస్తున్నాయనీ, దానికి అడ్డుకట్ట వేయాల్సిన సమయం వచ్చిందని ఆస్ట్రేలియా ప్రధానమంత్రి ఆంటోనీ అల్బనీస్‌ ఉద్ఘాటించారు. 16 ఏళ్లు లోపువారికి సామాజిక మాధ్యమాలు అందుబాటులో ఉండకుండా ప్రపంచంలోనే ప్రప్రథమంగా చట్టం తీసుకొస్తున్నామని ప్రకటించారు. బాలల భద్రత కోసం ఈ చట్టాన్ని తీసుకొస్తున్నామని వివరించారు. ఈ చట్టానికి ఆస్ట్రేలియా ప్రధాన ప్రతిపక్షం కూడా మద్దతు తెలిపింది. నవంబరు 18 నుంచి ప్రారంభమయ్యే పార్లమెంటు సమావేశాల చివరి రెండు వారాల్లో ఈ చట్టాన్ని చేస్తామని, ఆ తరవాత 12 నెలలకు వయోపరిమితి అమలలోకి వస్తుందని అల్బనీస్‌ తెలిపారు. 16 ఏళ్లలోపు పిల్లలు తమ మాధ్యమాలను ఉపయోగించకుండా చర్యలు తీసుకోవాలని సామాజిక మాధ్యమాలను ఆదేశించారు. చట్ట ప్రకారం ఈ బాధ్యత సామాజిక మాధ్యమాలదే తప్ప పిల్లలు, తల్లిదండ్రులది కాదని స్పష్టం చేశారు.