నలుగురు భారతీయులు సజీవ దహనం
- Published By: techteam
- October 26, 2024 / 03:50 PM IST
టెస్లా సెల్ఫ్ డ్రైవింగ్ కారు నలుగురు ప్రాణాలు తీసింది. మరణించిన నలుగరు భారతీయులే. కెనడా టొరంటో నగరం లేక్ షోర్ బౌలేవార్డ్ ప్రాంతంలో ఈ ఘోర రోడ్డు ప్రమాదం జరిగింది. కాగా, ఓ యువతి ప్రాణపాయ స్థితిలో ఆస్పత్రిలో చికిత్స పొందుతున్నారు. గుజరాత్లోని గోద్రా చెందిన ఒకే కుటుంబసభ్యులు కేట్ గోహిల్, నీల్ గోహిల్తో పాటు వారి స్నేహితులు ఆ కారులో ఉన్నట్లు తెలిసింది. స్థానిక పోలీసుల సమాచారం మేరకు బుధవారం అర్ధరాత్రి 12:15 గంటల సమయంలో లేక్ షోర్ బౌలేవార్డ్ రహదారిలో ఒకే కుటుంబానికి చెందిన నలుగురు టెస్లా సెల్ఫ్ డ్రైవింగ్ కారులో అతివేగతంతో ప్రయాణిస్తున్నారు. ఆ సమయంలో టెస్లా కార్లు బ్యాటరీలో లోపాలు తలెత్తడంతో కారు అదుపు తప్పి పక్కనే ఉన్న గార్డ్ రైల్ను ఢీకొట్టింది. దాంతో కారు లో ఒక్కసారిగా మంటలు ఎగిసిపడ్డాయి. కారులో ఉన్న వారికి అంటుకున్నాయి. అటుగా వెళ్తున్న ఓ బైకర్ టెస్లా కారు అద్దాలు పగులగొట్టి బాధితుల్ని రక్షించే ప్రయత్నం చేశారు. కారు లోపల ఉన్న ఓయువతి లాగి ఆస్పత్రికి తరలించారు. మిగిలిన నలుగురు అక్కడే ప్రాణాలు కోల్పోయారు. ఆస్పత్రిలో చికిత్స పొందుతున్న యువతి పరిస్థితి విషమంగా ఉన్నట్లు తెలుస్తోంది. ఈ దుర్ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. ప్రమాద ఘటనపై భారత్లో ఉన్న వారి కుటుంబ సభ్యులకు సమాచారం అందిస్తామని తెలిపారు.
