వాతావరణ మార్పులకూ లొంగని కరోనా
- Published By: techteam
- August 10, 2020 / 09:55 PM IST
ఉత్తర ఆక్షాంశ ప్రాంతంలోని దేశాల్లో మాత్రమే కరోనా విజృంభిస్తోందని, తక్కువ ఉష్ణోగ్రతలు నమోదయ్యే చోట్లలోనే ఇన్ఫెక్షన్లు ప్రబలుతున్నాయని గతంలో జోరుగా ప్రచారం జరిగింది. ఎండలు దంచికొడితే వైరస్ తోక ముడుస్తుందని ఎంతోమంది శాస్త్రవేత్తలు జోస్యం కూడా చెప్పారు. అయితే అందరి అంచనాలను తలకిందులు చేసి, అన్ని సీజన్లను దాటుకొని వైరస్ యావత్ ప్రపంచానికి పాకింది. ఈ నేపథ్యంలో కొవిడ్ 19 వైరస్ వాతావరణ మార్పులకు లొంగే వైరస్లా కనిపించడం లేదని ప్రపంచ ఆరోగ్య సంస్థ (డబ్ల్యూహెచ్వో) హెల్త్ ఎమర్జెన్సీస్ పోగ్రామ్ డైరెక్టర్ మైఖేల్ జె.ర్వాన్ ప్రకటించారు. ఇన్ఫ్లూయెంజా లాంటి వైరస్లు ప్రధానంగా చలికాలంలోనే క్రియా శీలంగా మారుతుంటాయని, కానీ కరోనా వైరస్ అందుకు భిన్నంగా అన్ని సీజన్లలోనూ తీవ్ర దుష్ప్రబావాన్ని చూపుతోందని తెలిపారు.
