NATS: పిల్లల పెంపకం, ఆటిజంపై అవగాహన.. హ్యూస్టన్‌లో నాట్స్ ఆధ్వర్యంలో ప్రత్యేక సదస్సు

హ్యూస్టన్: ప్రత్యేక అవసరాలు కలిగిన పిల్లల పెంపకంలో తల్లిదండ్రులకు అవసరమైన సలహాలు, సూచనలు, వైద్య రంగంలో వస్తున్న మార్పులను తెలియజేసేందుకు ఉత్తర అమెరికా తెలుగు సంఘం (NATS) హ్యూస్టన్ విభాగం ఒక చక్కని కార్యక్రమానికి శ్రీకారం చుట్టింది. స్మార్ట్ పేరెంటింగ్ సింపోజియం (Smart Parenting Symposium) పేరుతో నిర్వహిస్తున్న ఈ సదస్సు జనవరి 10వ తేదీన కింగ్‌వుడ్‌లోని కోర్ట్‌యార్డ్ బై మారియట్ హోటల్‌లో జరగనుంది.

ఈ కార్యక్రమంలో ఇద్దరు ప్రముఖ నిపుణులు ప్రసంగించనున్నారు.

శ్యామ్ నాలం: పిల్లల పెంపకంలో మెళకువలు, స్మార్ట్ పేరెంటింగ్ పద్ధతుల గురించి విలువైన సమాచారాన్ని అందిస్తారు.

డాక్టర్ ఆలోక్ శర్మ: ఆటిజం (Autism), సెరిబ్రల్ పాల్సీ (Cerebral Palsy) వంటి సమస్యల చికిత్సలో అందుబాటులోకి వచ్చిన సరికొత్త వైద్య విధానాల గురించి వివరిస్తారు.

తమ బిడ్డల భవిష్యత్తు కోసం తపించే తల్లిదండ్రులకు తోడ్పాటు అందించడం, వారిలో ధైర్యం నింపడం, సమాజంలోని అటువంటి కుటుంబాలను ఏకతాటిపైకి తీసుకురావడమే ఈ కార్యక్రమ ముఖ్య ఉద్దేశమని నాట్స్ నిర్వాహకులు తెలిపారు.

కార్యక్రమ వివరాలు:

తేదీ: జనవరి 10, 2026 (శనివారం)

సమయం: మధ్యాహ్నం 12 గంటల నుండి 3 గంటల వరకు

వేదిక: Courtyard by Marriott Houston Kingwood, 130 Northpark Plaza Dr, Kingwood, TX 77339.

ఈ ఉచిత సదస్సులో పాల్గొనాలనుకునే వారు పోస్టర్‌లోని క్యూఆర్ (QR) కోడ్‌ను స్కాన్ చేసి ముందుగానే రిజిస్టర్ చేసుకోవాలని నాట్స్ హ్యూస్టన్ విభాగం కోరుతోంది.