Upendra: ‘ఆంధ్ర కింగ్ తాలూకా’ సినిమాలో భాగం కావడం చాలా ఆనందంగా ఉంది – ఉపేంద్ర

ఎనర్జిటిక్ స్టార్ రామ్ పోతినేని మోస్ట్ ఎవైటెడ్ యూనిక్ ఎంటర్‌టైనర్ ‘ఆంధ్ర కింగ్ తాలూకా’ (Andhra King Thaluka) తో అలరించబోతున్నారు. పాన్ ఇండియా నిర్మాణ సంస్థ మైత్రి మూవీ మేకర్స్ నిర్మిస్తున్న ఈ చిత్రానికి మహేశ్ బాబు పి దర్శకత్వం వహిస్తున్నారు. భాగ్యశ్రీ బోర్సే కథానాయికగా నటిస్తుండగా, కన్నడ సూపర్‌స్టార్ ఉపేంద్ర ఆన్-స్క్రీన్ సూపర్‌స్టార్ పాత్రను పోషిస్తున్నారు. వివేక్ & మెర్విన్ స్వరపరిచిన ఈ సినిమా సంగీతం ఇప్పటికే అందరినీ ఆకట్టుకుంది. నాలుగు పాటలు చార్ట్‌బస్టర్‌లుగా మారాయి. ట్రైలర్ అద్భుతమైన రెస్పాన్స్ తో సినిమాపై అంచనాలని భారీగా పెంచింది. ఈ చిత్రం నవంబర్ 27న థియేటర్లలోకి వస్తుంది. ఈ సందర్భంగా కన్నడ సూపర్‌స్టార్ ఉపేంద్ర (Upendra) విలేకరుల సమావేశంలో సినిమా విశేషాలు పంచుకున్నారు.

ఈ కథ విన్నప్పుడు మీ రియాక్షన్ ఏమిటి?
-ఈ కథని ఒక ప్రేక్షకుడిగా విన్నాను. స్టొరీ చెప్పగానే ఫ్యాన్స్ కి కనెక్ట్ అయిపోయాను. ఇందులో చాలా అద్భుతమైన ఎమోషన్ ఉంది. అందరి జీవితంలో ఇలాంటి ఎమోషన్ వుంటుంది. అది నాకు ఎమోషనల్ గా చాలా కనెక్ట్ అయ్యింది. అసలు అభిమానులు ప్రేమకు లాజిక్ వుండదు. ఎందుకు ఇంతగా ప్రేమిస్తారు? దానికి మనం అర్హులమేనా? అనిపిపిస్తుంటుంది కదా. అందుకు నేను బాగా కనెక్ట్ అయ్యాను.

ఫాన్స్ తో మీకు మెమోరియల్ గా ఉండే మూమెంట్స్ ఏమైనా ఉన్నాయా?
-చాలా ఉన్నాయి. నేను నా బర్త్ డే( సెప్టెంబర్ 18)ని ఫ్యాన్స్ డే గా అనౌన్స్ చేశాను. ఆ రోజంతా వాళ్లదే. ఎంతో మంది ఫ్యాన్స్ వచ్చి లక్షల్లో ఖర్చు పెట్టి పెద్ద వేడుకల చేస్తారు. పెద్ద కటౌట్ట్లుపెడతారు. సింహాసనం మీద కూర్చో పెడతారు. పూలతో అభిషేకం చేస్తారు. నేను ఎంత వద్దని చెబుతున్నా.. ఈరోజు మాదే అంటారు. వాళ్ళ అభిమానానికి అవధులు లేవు.

సూపర్ స్టార్ సూర్య క్యారెక్టర్ ఎలా ఉండబోతోంది?
-ఒక స్టార్ జీవితం ఎలా ఉంటుందో అలానే ఉంటుంది. ఫ్యాన్స్ క్రేజ్, అప్ అండ్ డౌన్స్ అన్నీ ఉంటాయి. హ్యూమన్ ఎమోషన్స్, ప్రేమ, రిచ్ పూర్ కి మధ్య ఉండే ఒక సంఘర్షణ ఎలివేషన్స్ అన్ని కమర్షియల్ యాంగిల్ లో చేసిన సినిమా ఇది. అవన్నీ సినిమాకి అద్భుతంగా కలిసి వచ్చాయి. ఒక స్టార్ కి అభిమానికి మధ్య ఉండే ఎమోషన్ ని చాలా అద్భుతంగా చెప్పారు. అది చాలా కొత్తగా అనిపిస్తుంది.

-మైత్రి రవి గారు డైరెక్టర్ మహేష్ బాబు గారు వచ్చి ఈ కథ చెప్పారు. వాళ్లు చెప్తున్నప్పుడే చాలా అద్భుతంగా కనెక్ట్ అయ్యాను. ఒక్కొక్క డైలాగ్ మనసును హత్తుకునే లాగా ఉంది. ప్రతి సీనుకు మధ్య ఉండే కనెక్షన్ అద్భుతం.

-ఇలాంటి మంచి సినిమా చేసినందుకు మైత్రి మూవీ మేకర్స్ కి థాంక్యూ చెప్పాలి. ఈ సినిమాలో నేను భాగమైనందుకు చాలా ఆనందంగా ఉంది. ఫ్యాన్స్ కి ఏదైనా చెప్పాలని ఒక కోరుకుంటుంది. అది ఈ సినిమాతో దొరికినందుకు చాలా సంతోషంగా ఉంది.

మీ ఫస్ట్ డే ఫస్ట్ షో ఎక్స్ పీరియన్స్ గురించి?
-నేను చేసిన ‘A’సినిమా డే ఫస్ట్ థియేటర్ కి వెళ్ళా, అయితే ఆడియన్స్ అందరూ సినిమా చూడకుండా నా కోసం బయటికి వచ్చేశారు. అసలు అది డిఫరెంట్ స్క్రీన్ ప్లే వున్న సినిమా. ఆడియన్స్ సినిమా మిస్ అవుతారనే ఫీలింగ్ కలిగింది. అప్పటినుంచి థియేటర్ కి వెళ్ళడం ఆపేశాను.

-చిన్నప్పుడు సినిమా చూడటం పెద్ద విషయం. అదొక గ్రేట్ ఎక్స్ పీరియన్స్. ఏడాదికి ఒకసారి వెళ్ళడమే గొప్ప. నేను సినిమాల్లోకి వచ్చిన తర్వాత రజనీకాంత్ గారు, చిరంజీవి గారి సినిమాలను ఫస్ట్ డే ఫస్ట్ షో చూసేవాడిని. నాగార్జున గారి శివ సినిమా కూడా ఫస్ట్ డే ఫస్ట్ షో చూశాను.

రామ్ గారితో వర్క్ చేయడం ఎలా అనిపించింది?
-రామ్ గారు ఎక్స్ట్రార్డినరీ ఎనర్జిటిక్ పెర్ఫార్మర్. ఇంటర్వెల్ సీక్వెన్స్ లో ఆయన యాక్షన్ చూస్తే గూస్ బంప్స్ వస్తాయి. ఆ సీన్ మీరు చూసినప్పుడే మీరే చెప్తారు. ఆయన రియల్ గా ఒక ఫ్యాన్ లాగా నటించారు. ఒక స్టార్ అయి ఉండి అలా నటించడం అంత ఈజీ కాదు. ఒక అభిమానిలో ఉండే అమాయకత్వం ఎనర్జీ మాస్ అన్ని అద్భుతంగా కనిపించాయి. ఒక స్టార్ కి అభిమానికి మధ్య ఉండే కనెక్షన్ డివైన్. అలాంటి ఒక ఎమోషన్ ని ఆయన పండించిన విధానం అద్భుతం .

భాగ్యశ్రీ గారితో మీకు కాంబినేషన్ సీన్స్ ఉన్నాయా?
ఉన్నాయి. ఇందులో రామ్ గారు భాగ్యశ్రీ గారి మధ్య కెమిస్ట్రీ చాలా అద్భుతంగా వర్క్ అయింది. ఒక రెట్రో ఫీలింగ్ ని కలిగించే ఆ లవ్ స్టోరీ హార్ట్ టచ్చింగ్ గా ఉంటుంది. నేటివిటీని అద్భుతంగా తీసుకువచ్చారు.డైరెక్టర్ గారికి హ్యాట్సాఫ్ చెప్పాలి.చిన్న చిన్న డీటెయిల్స్ మీద చాలా చక్కని వర్క్ చేశారు.

సినిమా పాటలు కూడా చాలా మంచి రెస్పాన్స్ వచ్చింది కదా?
-నాలుగు పాటలు జనాల్లోకి అద్భుతంగా వెళ్ళాయి. ఇందులో ఒక బ్యాగ్రౌండ్ సాంగ్ వస్తుంది. అది కూడా మంచి బీట్ లో చేశారు. కొన్ని సినిమాలకి అన్ని చక్కగా కుదురుతాయి. ఈ సినిమా కూడా మంచి మ్యూజిక్, ఫోటోగ్రఫీ, మంచి ఆర్టిస్టులు, మంచి ప్రొడక్షన్ హౌస్ అందరు కూడా కలిసికట్టుగా మంచి వర్క్ ఇచ్చారు.

మీ డైరెక్షన్లో చిరంజీవి గారితో సినిమా చేయాలని ఎప్పటినుంచో అనుకుంటున్నారు కదా ?
-అవునండి. అదొక పెద్ద డ్రీమ్. అన్ని కుదిరితే డెఫినెట్ గా చేస్తాను.

మీ డైరెక్షన్లో కొత్త సినిమా ఎప్పుడు ఉంటుంది?
-కొన్ని కథల మీద వర్క్ జరుగుతుంది. మంచిది ఫైనల్ అయితే అనౌన్స్ చేస్తాను

కూలీలో రజినీకాంత్ గారితో కలిసి నటించడం ఎలా అనిపించింది?
-నా జీవితంలో ఒక ఎక్స్ట్రార్డినరీ మూమెంట్ అది. రజినీకాంత్ గారికి నేనొక భక్తుడిని. నేను ఆయన్ని ఒక డిక్షనరీ లాగా ఫాలో అవుతాను. ఆయన అంటే నాకు అంత కనెక్షన్.

ఒక డైరెక్టర్, యాక్టర్ గా మీరు ఇంకా చేయదలుచుకున్న డ్రీమ్ క్యారెక్టర్స్, కథలు ఉన్నాయా?
-ఆ ఆకలి ఎప్పుడూ ఉంటుంది. ఇంకా ఏదో కొత్తగా చేయాలి, మంచి కథ చెప్పాలి అనే తపన ఎప్పుడూ ఉంటుంది.