మాంద్యం గుప్పిట్లో అమెరికా…

ప్రపంచ ఆర్థిక పరిస్థితి మరోసారి సవాలుగా మారుతోంది. ప్రపంచంలోనే అతిపెద్ద ఆర్థిక వ్యవస్థ అయిన అమెరికాలో ఆర్థిక మాంద్యం ముప్పు పెరుగుతోంది. చాలా మంది విశ్లేషకుల మాంద్యం ఊహాగానాల నేపథ్యంలో ఇప్పుడు గోల్డ్‌మన్‌ శాచ్చ్‌ అంచనాలు భయాలను పెంచాయి. గోల్డ్‌మన్‌ శాచ్చ్‌ వచ్చే ఏడాది అమెరికాలో మాంద్యం గురించి దాని అంచనాను సవరించి, పెంచింది.  గోల్డ్‌న్‌ శాచ్చ్‌ గ్రూప్‌ ఇంక్‌.లోని ఆర్థికవేత్తలు వచ్చే ఏడాది అమెరికాలో మాంద్యం అంచనాను 15 శాతం నుండి 25 శాతానికి పెంచారు. అయితే ఆర్థిక వ్యవస్థపై మాంద్యం ముప్పు ఉన్నప్పటికీ ఒక్కసారిగా పెద్దగా నష్టపోయే ప్రమాదం లేకపోలేదు. గోల్డ్‌మన్‌ శాచ్చ్‌లోని ఆర్థికవేత్తలు మాంద్యం ప్రమాదం పెరిగినప్పటికీ, నిరుద్యోగం పెరిగినప్పటికీ ఆర్థిక వ్యవస్థలో ఆకస్మాత్తుగా పెద్ద క్షీణత కనిపించడం లేదనే అనేక కారణాలున్నాయి.

అమెరికాలో నిరుద్యోగిత రేటు 4.3 శాతానికి చేరుకుంది. అక్టోబర్‌ 2021 తర్వాత అమెరికాలో ఇదే అతిపెద్ద నిరుద్యోగ సంఖ్య, నిరుద్యోగిత రేటులో ఈ పెరుగుదల మార్కెట్‌ అంచనాల కంటే ఎక్కువగా ఉంది. నిరుద్యోగం విపరీతంగా పెరగడం రాబోయే మాంద్యంకు సంకేతమని విశ్లేషకులు భావిస్తున్నారు.