Tesla Showroom : ఢిల్లీ లో టెస్లా షోరూమ్‌ ప్రారంభం

అమెరికాకు చెందిన ఎలక్ట్రిక్‌ కార్ల తయారీ సంస్థ టెస్లా(Tesla) భారత్‌లో మరో షోరూమ్‌ తెరిచింది. దేశ రాజధాని ఢిల్లీ (Delhi) లో తన రెండో షోరూమ్‌ను ప్రారంభించింది. సుమారు 8,200  చదరపు అడుగుల విస్తీర్ణంలో దీనిని అందుబాటులోకి తెచ్చారు. సాకేత్‌, నోయిడా, ఆరిజన్‌ తదితర ప్రాంతాల్లో ఈ సూపర్‌ఛార్జర్ల ఏర్పాటుకు ప్రణాళికలు రచిస్తోంది. ఇప్పటికే ముంబయి (Mumbai) లో  తొలి షోరూమ్‌ను ఓపెన్‌ చేసిన టెస్లా కొన్ని రోజుల క్రితమే మొదటి సూపర్‌ ఛార్జర్‌ స్టేషన్‌ను ప్రారంభించింది. హైదరాబాద్‌ (Hyderabad), పుణె, చెన్నై, బెంగళూరు, అహ్మదాబాద్‌, జయపుర వంటి  ఎనిమిది నగరాల్లోనూ ఛార్జింగ్‌ నెట్‌వర్క్‌ను విస్తరించనుంది. ఆర్‌డబ్ల్యూడీ వేరియంట్‌ ప్రారంభ ధర రూ.59.89 లక్షలు, లాంగ్‌ రేంజ్‌ మోడల్‌ ధర రూ.67.89 లక్షలుగా కంపెనీ తెలిపింది. ఈ కారును ఒకసారి ఛార్జ్‌ చేస్తే 500-600  కి.మీ. వరకు ప్రయాణించవచ్చు.