TCS :ఉద్యోగులకు టీసీఎస్‌ గుడ్‌న్యూస్‌ .. త్వరలోనే

భారత్‌లోని అతి పెద్ద ఐటీ సర్వీసుల సంస్థ టాటా కన్సల్టెన్సీ సర్వీసెస్‌ (టీసీఎస్‌) ఇప్పుడు తీపి కబురు చెప్పింది. దాదాపు 80 శాతం ఉద్యోగుల వేతనాలను పెంచుతున్నట్లు  తెలిపింది. టీసీఎస్‌ తాజా నిర్ణయంతో జూనియర్‌, మధ్య స్థాయి (సీ3ఏ గ్రేడ్‌ వరకు) ఉద్యోగులకు లబ్ధి చేకూరనుంది. సెప్టెంబర్‌ 1 నుంచి వేతన పెంపులను అమలు చేయనున్నట్టు ఉద్యోగులకు పంపిన ఈ మెయిల్‌ (Email )లో టీసీఎస్‌ సీహెచ్‌ఆర్‌వో మిలింద్‌ లక్కడ్‌ (Milind Lakkad)  తెలిపారు.

ఇటీవలే టీసీఎస్‌ పెద్ద ఎత్తున లేఆఫ్స్‌ (Layoffs)  ప్రకటించిన విషయం తెలిసిందే. తన మొత్తం ఉద్యోగుల్లో 2 శాతం మందికి ఉద్వాసన పలకనున్నట్లు తెలిపింది. వచ్చే ఏడాది కల్లా దాదాపు 12,200 మంది ఉద్యోగులపై దీని ప్రభావం పడనున్నది. మధ్య స్థాయి, సీనియర్‌ స్థాయి ఉద్యోగులపై అధికంగా వేటు పడే అవకాశం ఉంది. ఈ విషయాన్ని టీసీఎస్‌ చీఫ్‌ ఎగ్జిక్యూటివ్‌ కే కృతివేశన్‌ (K Krithiveshan)   వెల్లడించారు. లేఆఫ్స్‌ ప్రకటన వేళ కంపెనీ జీతాల పెంపు నిర్ణయం ఉద్యోగులకు ఊరటనిచ్చే అంశమనే చెప్పాలి.