HighCourt : బెనిఫిట్ షోలు రద్దంటూ.. ప్రత్యేక షోలకు అనుమతేంటి? : హైకోర్టు

గేమ్‌ ఛేంజర్‌  (Game changer )సినిమాకు టికెట్ల ధరల పెంపు, ప్రత్యేక ప్రదర్శనలపై హైకోర్టులో విచారణ జరిగింది. తాజా పరిణామాల దృష్ట్యా  ప్రత్యేక ప్రదర్శనలకు అనుమతిపై న్యాయస్థానం అసంతృప్తి వ్యక్తం చేసింది. బెనిఫిట్‌ షోలు (Benefit Show) రద్దు చేశామంటూ, పరోక్షంగా ప్రత్యేక షోలకు అనుమతి ఇవ్వడమేంటని ప్రశ్నించింది. అర్ధరాత్రి ఒంటి గంట దాటిన తర్వాత తెల్లవారుజామున షోలకు అనుమతి ఇవ్వడంపై పున సమీక్షించాలని ఆదేశించింది. ఈ మేరకు హోంశాఖ ప్రత్యేక కార్యదర్శిని ఆదేశించింది.  ప్రేక్షకుల భద్రతను దృష్టిలో ఉంచుకొని బెనిఫిట్‌, ప్రత్యేక షోలకు అనుమతించొద్దని హైకోర్టు సూచించింది. నిర్మాత భారీ బడ్జెట్‌తో సినిమాలు తీసి ప్రేక్షకుల నుంచి వసూలు చేసుకోవడం సరైంది కాదని వ్యాఖ్యానించింది. ఈ విషయంపై తదుపరి విచారణను ఈ నెల 24వ తేదీకి వాయిదా వేసింది.