YSRCP: వైసీపీకి కీలక నేత దామా సుబ్బారావు రాజీనామా!

వైఎస్సార్ కాంగ్రెస్ పార్టీకి (YSRCP) మరో కీలక నేత రాజీనామా చేశారు. ఉత్తరాంధ్ర వైఎస్సార్సీపీ ఇన్‌ఛార్జ్ ముఖ్య అనుచరుడు, గాజువాక నాయకుడు దామా సుబ్బారావు (Dama Subbarao) పార్టీకి గుడ్‌బై చెప్పారు. గత కొంతకాలంగా పార్టీ కార్యకలాపాలకు దూరంగా ఉంటున్న ఆయన, తాజాగా తన రాజీనామా నిర్ణయాన్ని ప్రకటించారు. వైఎస్సార్‌సీపీ (YSRCP) అధికారంలో ఉన్నప్పుడు దామా సుబ్బారావు వ్యవహారశైలి వివాదాస్పదంగా మారింది. ముఖ్యంగా స్థలాల విషయంలో వీఎంఆర్డీఏ అధికారులను బెదిరించారనే ఆరోపణలు ఆయనపై ఉన్నాయి. ఎన్నికల్లో (YSRCP) పార్టీ ఓటమి తర్వాత ఆయన పార్టీకి మరింత దూరమయ్యారు. ఇటీవల జరిగిన పరిణామాల నేపథ్యంలో పార్టీని వీడాలని నిర్ణయించుకున్నట్లు తెలుస్తోంది. ప్రస్తుతం ఆయన (Dama Subbarao) ఏ పార్టీలో చేరతారనే అంశంపై స్పష్టత లేదని రాజకీయ వర్గాలు చెబుతున్నాయి. దీనిపై త్వరలోనే ఒక ప్రకటన వచ్చే అవకాశం ఉంది.