ఏమిటీ హామర్స్… ఇజ్రాయెల్ దళాల్లో దీనిప్రత్యేకత ఏంటి..?

హెజ్ బొల్లా అధినేత షేక్ హసన్ నస్రల్లాను మట్టుబెట్టడంలో కీలక భూమిక పోషించింది ఇజ్రాయెల్ వాయుసేనలోని ఓ స్క్వాడ్రన్. ఈ స్క్వాడ్రన్ ను ముద్దుగా హామర్స్ అని కూడా పిలుస్తారు. గతంలో ఇజ్రాయెల్ ప్రధాని న్యాయ సంస్కరణలు వ్యతిరేకిస్తూ వాయుసేన లోని ఓ స్క్వాడ్రన్ ఆందోళనకు దిగింది. అయితే… గత అక్టోబర్ 7న ఇజ్రాయెల్ పౌరులపై హమాస్ జరిపిన దాడితో తిరిగి విధుల్లోకి చేరింది. ఇప్పుడు తాజాగా అదే స్క్వాడ్రన్ ఏకంగా హెజ్ బొల్లా అధినేతను లెబనాన్ లోనే మట్టుబెట్టింది.

ఇదే ఇజ్రాయెల్ ఎయిర్ ఫోర్స్ కు చెందిన 69వ స్క్వాడ్రన్! గతంలో సిరియా, లెబనాన్ లో జరిపిన కఠినమైన ఆపరేషన్స్ లో అనుభవం ఉన్న సిబ్బంది కలిగి ఉన్న ఈ స్క్వాడ్రన్.. హెజ్ బొల్లా కార్యాలయంపై చేసిన దాడిలో ఎఫ్-15ఐ రాం ఫైటర్ జెట్స్ ను వాడినట్లు చెబుతున్నారు. ఈ దాడికి సుమారు 100 బాంబులను ప్రతీ రెండు సెకన్లకు ఒకటి చొప్పున లక్ష్యంపై జారవిడిచినట్లు వెల్లడించారు ఈ ఎయిర్ బేస్ కొత్త కమాండింగ్ ఆఫీసర్ అమిచయ్ లెవినె. ఈ ఆపరేషన్ న్యూ ఆర్డర్ లో భాగంగా నస్రల్లా కదలికలపై గత కొన్ని నెలలుగా ఇజ్రాయెల్ కు కచ్చితమైన సమాచారం అందుతున్నప్పటికీ… ఈ దాడికి నెతన్యహు మంత్రి వర్గంలోని కొంతమంది వ్యతిరేకిస్తున్నట్లు యూఎస్ మీడియా తెలిపింది.

అయితే అతడు ఒకసారి మిస్ అయితే.. అతడికి సంబంధించిన సమాచారం సేకరించడం చాలా కష్టమని ప్రధాని భావించినట్లు చెబుతున్నారు. దీంతో… ఈ ఆపరేషన్ కు గ్రీన్ సిగ్నల్ ఇచ్చారని అంటున్నారు. ఈ సమయంలో ఈ ఆపరేషన్ కు సంబందించిన ఇజ్రాయెల్ సైన్యం కొన్ని వీడియోలను విడుదల చేసింది! వాటిలో కొన్ని యుద్ధ విమానాల్లో అమెరికా తయారు చేసిన బీ.ఎల్.యూ.-109 బాంబులను వాడినట్లు కథనాలు వెలువడ్డాయి. మే నెలలో వీటిని ఇజ్రాయెల్ కు అమెరికా పంపినట్లు పేర్కొంది.