Singapore:  ప్రపంచంలోనే అత్యంత ఖరీదైన నగరంగా సింగపూర్‌

ప్రపంచంలోనే అత్యంత ఖరీదైన నగరంగా సింగపూర్‌ (Singapore) నిలిచింది. వరుసగా మూడో ఏడాది ఈ ఘనతను సింగపూర్‌ దక్కించుకోవడం విశేషం. మరోవైపు రెండో స్థానంలో  ఉన్న హాంగ్‌కాంగ్‌ (Hong Kong)ను  పక్కకు నెట్టి ఆ స్థానాన్ని లండన్‌ (London) కైవసం చేసుకుంది. హాంగ్‌కాంగ్‌ మూడో స్థానానికి పరిమితమైంది. కనీసం 1 మిలియన్‌ డాలర్ల బ్యాంక్‌ బ్యాలెన్స్‌ (Bank balance) కలిగిన వ్యక్తులు కొనుగోలు చేస్తున్న వివిధ రకాల ఉత్పత్తులు,  వారు అనుభవిస్తున్న విలాసాల ఆధారంగా  వారి జీవన వ్యయాన్ని జూలియస్‌ బేర్‌ లైఫ్‌స్టైల్‌ ఇండెక్స్‌ విశ్లేషించి, ఈ నివేదికను తయారు చేసింది. ఈ ఏడాది ఫిబ్రవరి-మార్చి మధ్య డేటాను  పరిగణనలోకి తీసుకున్నట్టు జూలియస్‌ బేర్‌ (Julius Bear)  వెల్లడిరచింది.