Russia: ఆ దేశాలపైనా ఆంక్షలు తప్పవు .. ఈయూ హెచ్చరిక

బ్రిటన్‌, యూరోపియన్‌ యూనియన్‌ (ఈయూ) రష్యా (Russia)పై మరిన్ని ఆంక్షలు విధించాయి. ఇందులో భాగంగా రష్యా ఎగుమతి చేసే బ్యారల్‌ చమురు గరిష్ఠ ధరను ప్రస్తుత 60 డాలర్ల నుంచి 45 డాలర్లకు కుదించాయి. ఏ దేశమైనా రష్యా చమురుకు ఇంత కంటే ఎక్కువ చెల్లిస్తే ఆ దేశాలపైనా ఆంక్షలు తప్పవని హెచ్చరించాయి. దీనికి తోడు రష్యా చమురుతో ఉత్పత్తి చేసే పెట్రోల్‌(Petrol), డీజిల్‌ (diesel) దిగుమతులనూ నిషేధించాయి. దీంతో భారత్‌లో రష్యా చమురు దిగ్గజం రోస్‌నెఫ్ట్‌ నిర్వహణలోనినయారా ఎనర్జీపైనా ఈ ప్రభావం పడనుంది. మరోవైపు రష్యా బ్యాంకులతో లావాదేవీలపైనా బ్రిటన్‌ (Britain), ఈయూ (EU)  మరిన్ని ఆంక్షలు విధించాయి. అయితే ఈ బెదిరింపులు తమను ఏమీ చేయలేవని రష్యా స్పష్టం చేసింది.