TATA: ట్రయాంగిల్ ఏరియాలో అట్టహాసంగా ‘టాటా’ సంక్రాంతి సంబరాలు

Tata Sankranti And Bhogi Celebrations In North Carolina

Published By: Vishal
January 12, 2026 / 09:20 AM IST

నార్త్ కరోలినాలోని ట్రయాంగిల్ ఏరియా తెలుగు అసోసియేషన్ (TATA) ఆధ్వర్యంలో సంక్రాంతి వేడుకలు అత్యంత వైభవంగా జరగనున్నాయి. ఈ ఏడాది జనవరి 11వ తేదీన ఉదయం 7:00 గంటల నుండి 10:00 గంటల వరకు అపెక్స్ నగరంలోని హైవే డాబా (2901 US-64, Apex, NC 27523) వేదికగా ఈ వేడుకలను నిర్వహించనున్నారు.

కార్యక్రమ ముఖ్యాంశాలు
ఈ సంబరాల్లో భాగంగా సంప్రదాయబద్ధంగా ముగ్గుల పోటీలు (Sankranthi-Themed Chukkala Muggulu), భోగి మంటలు, చిన్నారుల కోసం భోగి పళ్లు పోసే కార్యక్రమాలను ఏర్పాటు చేశారు. గెలుపొందిన వారికి ఆకర్షణీయమైన బహుమతులు కూడా అందజేయనున్నారు. వీటితో పాటు గాలిపటాలు ఎగురవేయడం, సాంస్కృతిక ప్రదర్శనలు, రుచికరమైన అల్పాహారం, టీ ఏర్పాటు చేయబడ్డాయి.

రిజిస్ట్రేషన్ వివరాలు
ఈ వేడుకల్లో పాల్గొనాలనుకునే వారు ఆన్‌లైన్ లింక్ (https://tinyurl.com/TATABHOGI2026) ద్వారా రిజిస్ట్రేషన్ చేసుకోవాలని నిర్వాహకులు కోరారు. 2026 సంవత్సరానికి గాను సభ్యత్వాన్ని పునరుద్ధరించుకోవాలని లేదా కొత్త సభ్యత్వం తీసుకోవాలని బోర్డ్ ఆఫ్ డైరెక్టర్స్ సూచించారు. సభ్యులందరూ తమ కుటుంబాలతో కలిసి వచ్చి ఈ వేడుకలను విజయవంతం చేయాలని టాటా (TATA) సంస్థ ఆహ్వానిస్తోంది.