Hartford: హైదరాబాద్‌లో హార్ట్‌ఫోర్డ్‌ టెక్నాలజీ సెంటర్‌

అమెరికాకు చెందిన బీమా కంపెనీ హార్ట్‌ఫోర్డ్‌ (Hartford)  హైదరాబాద్‌ (Hyderabad) లో ఇండియా టెక్నాలజీ సెంటర్‌ను ప్రారంభించింది. కృత్రిమ మేధ, డిజిటల్‌ ఇన్నోవేషన్ (Digital Innovation) ‌ సామర్థ్యాలను వినియోగించుకుని భవిష్యత్‌ బీమా టెక్నాలజీని అభివృద్ధి చేయాలన్న కంపెనీ కట్టుబాటుకు ఈ కేంద్రం ఏర్పాటు నిదర్శనమని కంపెనీ తెలిపింది. అత్యాధునిక వర్క్‌ స్టేషన్లు, శిక్షణా వసతులు ఈ కేంద్రంలో ఉంటాయని వెల్లడించింది. 200 సంవత్సరాల హార్ట్‌ఫోర్డ్‌ చరిత్రను తెలియచేసే ఒక కుడ్యం ఈ కేంద్రంలో ప్రత్యేకత అని చీఫ్‌ ఇన్ఫర్మేషన్‌ ఆఫీసర్‌ శేఖర్‌ పన్నాల (Shekhar Pannala)  తెలిపారు. 1810లో ఏర్పాటైన హార్ట్‌ఫోర్డ్‌ ఫార్చూన్‌ 200 కంపెనీల్లో ఒకటి. ప్రపంచవ్యాప్తంగా 19 వేల మంది కంపెనీలో పని చేస్తున్నారు.