NRI: తగ్గిన ఎన్‌ఆర్‌ఐ డిపాజిట్లు

మన బ్యాంకులకు ప్రవాస భారతీయులు (ఎన్‌ఆర్‌ఐ) పంపే డిపాజిట్లు (Deposits)  తగ్గుముఖం పట్టాయి. గత ఏడాది ఏప్రిల్‌-జూలై మధ్య 580 కోట్ల డాలర్లుగా ఉన్న ఈ డిపాజిట్లు,  ప్రస్తుత సంవత్సరం ఇదే కాలంలో 470 కోట్ల డాలర్లకు పడిపోయాయి. దీంతో దేశంలోని బ్యాంకుల్లో ఎన్‌ఆర్‌ఐ (NRI)ల డిపాజిట్టు గత ఏడాది జూలై నాటికి 16,823 కోట్ల డాలర్ల నుంచి ఈ ఏడాది జూలై నాటికి 16,786 కోట్ల డాలర్లకు పడిపోయినట్టు భారతీయ రిజర్వ్‌ బ్యాంక్‌ (ఆర్‌బీఐ)  (RBI)తెలిపింది. ఎన్‌ఆర్‌ఐలు పంపించే ఫారిన్‌ కరెన్సీ నాన్‌ రెసిడెంట్‌ (బ్యాంకు) డిపాజిట్లు తగ్గిపోవడం ఇందుకు ప్రధాన కారణంగా కనిపిస్తోంది.