హైదరాబాద్‍లో యూఎస్‍ కాన్సులేట్‍ సేవలు రద్దు
- Published By: CV Subba Row
- April 27, 2021 / 09:00 PM IST
తెలంగాణ రాష్ట్రంలో కరోనా ఉధృతి కొనసాగుతుంది. ముఖ్యంగా జీహెచ్‍ఎంసీ పరిధిలో భారీగా కేసులు నమోదవుతున్నాయి. ఈ నేపథ్యంలో యు.ఎస్‍. కాన్సులేట్‍ జనరల్‍ హైదరాబాద్‍లో అన్ని సాధారరణ సేవలను రద్దు చేస్తున్నట్టు ప్రకటించింది. మే 3వ తేదీ నుండి నాన్‍ -ఇమ్మిగ్రెంట్‍ వీసా ఇంటర్వ్యూ అపాయింట్‍మెంట్స్, వీసా రెన్యూవల్స్ సహా అన్ని సాధారణ వీసా సేవలు రద్దు కానున్నట్లు పేర్కొంది. తదుపరి ఆదేశాలు వెలువడే వరకు ఇది అమల్లో ఉండున్నట్లు తెలిపింది. అన్ని సాధారణ అమెరికన్‍ సిటిజన్‍ సర్వీసెస్‍ అపాయింట్‍మెంట్స్ ఏప్రిల్‍ 27 నుండి తదుపరి నోటీసు వరకు రద్దు చేయబడతాయి. కాగా స్థానిక పరిస్థితులు అనూకూలించే వరకు అత్యవసర అమెరికన్‍ సిటిజన్‍ సేవలు, వీసా నియామకాలు కొనసాగుతాయంది. ఈ సమయంలో ఇప్పటికే షెడ్యూల్‍ చేసిన అత్యవసర అపాయింట్‍ మెంట్స్ను కొనసాగించేందుకు తాము అన్ని విధాల ప్రయత్నిస్తామని ఒక ప్రకటనలో తెలిపింది.
