Jagan: 2026 కి భారీ స్కెచ్ తో రెడీ అవుతున్న జగన్..

ఏపీ రాజకీయాలలో వైసీపీ (Y.S. Congress Party – YCP) ఇప్పుడు మరింత దూకుడుగా ముందుకు సాగడానికి రెడీ అవుతోంది. పార్టీ అధినేత జగన్ మోహనరెడ్డి (Y.S. Jagan Mohan Reddy) ఇటీవలే తాడేపల్లి (Tadepalli) లో జరిగిన విస్తృత స్థాయి సమావేశంలో పార్టీ కార్యకర్తలకు తగిన దిశా నిర్దేశం ఇచ్చారని సమాచారం. ఈ సమావేశంలో జగన్ తన పార్టీకి అత్యంత కీలకమైన అంశాలను స్పష్టంగా చెప్పి, ఎవరు అధినాయకత్వం చేపడతారో స్పష్టంగా వెల్లడించారు.

జగన్ పార్టీలో కార్యకర్తల ప్రాధాన్యతను ప్రధానంగా గుర్తించారు. గతంలో చోటుచేసుకున్న పొరపాట్లను పునరావృతం కాకుండా చూసుకోవాలని, ప్రతి నియోజకవర్గంలో క్షేత్ర స్థాయి నుండి పటిష్టమైన పార్టీ నిర్మాణం చేయాలని ఆయన సూచించారు. జగన్ మాటల్లోనూ, చర్యల్లోనూ ప్రధానంగా “క్యాడర్-ఫస్ట్” విధానాన్ని కొనసాగిస్తామని స్పష్టం చేశారు. ఆయన సూచన ప్రకారం, ప్రతి జిల్లా కమిటీకి పూర్తి స్వతంత్రత ఉంటుంది,అలాగే ఆ జిల్లా సమస్యలను పరిష్కరించడంలో స్థానిక నాయకులు ప్రధాన పాత్ర పోషించాలి.

వైసీపీ పార్టీ ఇప్పుడు “బాటం-టు-టాప్” (Bottom-to-Top) విధానాన్ని అమలు చేస్తోంది. బూత్-లెవెల్ కమిటీలను ఏర్పాటు చేసి, కింద స్థాయి నేతల నుంచి పార్టీని బలోపేతం చేయాలని జగన్ భావిస్తున్నారు. ఈ ప్రక్రియ ద్వారా పార్టీ కార్యకర్తల శక్తిని సరిగ్గా ఉపయోగించి, స్థానికస్థాయిలో ప్రజలతో మమేకం అవుతూ, నాయకత్వాన్ని సుస్థిరంగా నిర్మించవచ్చు అని భావిస్తున్నట్లు టాక్ . ఈ విధానంలో ప్రతీ అసెంబ్లీ ఇంచార్జ్ పనితీరును మధింపు చేస్తారని, సక్రమంగా పనిచేసే నేతలకు పెద్ద పీట అందిస్తారని జగన్ స్పష్టంగా చెప్పారు.

డెడ్‌లైన్ ప్రకారం, బూత్-లెవెల్ కమిటీలను డిసెంబర్ నాటికి పూర్తి చేయాలని ఆయన ఆదేశించారు. తద్వారా, కొత్త ఏడాదికి పార్టీకి ఒక పటిష్టమైన నిర్మాణం సిద్ధమవుతుంది. 2025లో జగన్ యూరప్ (Europe) పర్యటనకు వెళ్తున్న నేపథ్యంలో, నవంబర్-డిసెంబర్ నెలల్లో పార్టీ నేతల పనితీరుపై ఫోకస్ పెడతారని తెలుస్తోంది. కమిటీల నిర్మాణం పూర్తయ్యాక, 2026 ప్రారంభంలో జగన్ భారీ యాక్షన్ ప్లాన్‌తో రాజకీయ బరిలోకి దిగుతారని పార్టీ వర్గాలు భావిస్తున్నాయి.

ఇక 2026 సంక్రాంతి (Sankranti) పండుగ టైంలో, జగన్ ప్రత్యక్షంగా ప్రజలతో కలిసే అవకాశాలు ఉంటాయని, స్థానిక సంస్థల ఎన్నికలకు సిద్ధంగా పార్టీని రూపొందిస్తారని సమాచారం. ప్రతి అసెంబ్లీ నియోజకవర్గాన్ని వ్యక్తిగతంగా టచ్ చేసి, నేతలతో నేరుగా పని చేయనున్నారు. అదే సమయంలో ప్రజలతో మమేకం అవుతూ, సమావేశాలు, సభలు నిర్వహిస్తూ తన పార్టీకి మద్దతు పెంచుతారని పార్టీ వర్గాలు చెబుతున్నారు. ఈ విధంగా జగన్ కదలికలు వైసీపీని రాజకీయంగా మరింత బలోపేతం చేస్తాయి.