వైద్యులను గౌరవించిన ఈ వీడియోను మీరు చూడాల్సిందే…
- Published By: techteam
- May 1, 2020 / 12:27 AM IST
కోవిడ్-19 పోరులో పేషంట్లను గెలిపించడానికి అనుక్షణం యుద్ధం చేస్తున్న వైద్యనారాయణులకు ప్రజలు సమున్నత గౌరవం ఇస్తున్నారు. కొన్ని చోట్ల వేరే విధంగా ప్రవరిస్తున్నా, చాలామందిలో వైద్యులపై గౌరవం మాత్రం ఉంది. అలాంటి వైద్యులు ఇంటికి వచ్చినప్పుడు ఎంతోమంది పూలతో, నినాదాలతో వారిని స్వాగతిస్తున్నారు. ఇలాంటి అపురూప ఘటనకు సంబంధించిన ఒక వీడియోను ప్రధాని నరేంద్ర మోదీ ట్వీట్ చేశారు. కోవిడ్-19 బాధితులకు నిర్విరామంగా 20 రోజుల పాటు ఐసీయూలో వైద్య సేవలు అందించి ఇంటికి తిరిగొచ్చిన మహిళా వైద్యురాలిని ఆమె కుటుంబ సభ్యులు, ఇరుగుపొరుగు వారు పూలతో స్వాగతించిన అపురూప ఘట్టం ఈ వీడియోలో ఉంది. చప్పట్లు, ప్లకార్డులతో ఊహించని విధంగా తనకు లభించిన సాదర స్వాగతానికి సదరు మహిళా వైద్యురాలు భావోద్వేగానికి గురైన అపురూప క్షణాలు అందులో ఉన్నాయి.
‘ఇలాంటి క్షణాలు హ•దయాన్ని ఆనందంతో నింపుతాయి. ఇది భారతదేశం యొక్క ఆత్మ. మనం ధైర్యంగా కోవిడ్-19తో పోరాడుతున్నాం. ముందుండి పనిచేసేవారంటే మనకెంతో గర్వకారణమ’ని ప్రధాని మోదీ ట్విటర్లో పేర్కొన్నారు. ఈ వీడియో సామాజిక మాధ్యమాల్లో వైరల్గా మారింది. మహిళా వైద్యురాలిపై నెటిజనులు అభినందనలు కురిపిస్తున్నారు.
