ఒకే రోజులో 20 వేల కొత్త కేసులు

నిన్నమొన్నటి వరకూ కరోనా విలయతాండం చేసిన న్యూయార్క్లో కేసుల సంఖ్య క్రమేపీ తగ్గుతుండగా, మిగతా ప్రాంతాల్లోనూ అందునా లాక్‍డౌన్‍ నిబంధనలు ఎత్తివేసిన రాష్ట్రాల్లో ఇన్ఫెక్షన్లు పెరుగుతున్నట్లు గుర్తించారు. ఒక్కరోజులో సుమారు 20 వేల కొత్తకేసులు నమోదు కాగా, వెయ్యి మందికి పైగా ప్రాణాలు కోల్పోయారని జాన్‍ హాప్కిన్స్ యూనివర్సిటీ వెల్లడించింది. లాక్‍డౌన్‍ నిబంధనలను సడలించడమే ఇందుకు కారణమని, ఇన్ఫెక్షన్‍ రేటును అదుపు చేయకుంటే ఎంతో మంది మరణించే ప్రమాదం ఉందని అధికారులు హెచ్చరిస్తున్నారు. కాగా, యూఎస్‍ మొత్తం మీద కొత్తకేసుల సంఖ్య తగ్గుతున్నప్పటికీ, న్యూయార్క్, దాని పరిసర ప్రాంతాలను మినహాయించి చూస్తే మాత్రం గడచిన ఐదు రోజుల్లో నమోదైన కేసుల సగటు 6.2 నుంచి 7.5 కు పెరిగినట్లు తెలుస్తోంది.