ఉద్యోగులకు వర్జిన్ ఆర్బిట్ షాక్

అమెరికాలోని కాలిఫోర్నియాలో రిచర్డ్‌ బ్రాస్నల్‌కు చెందిన రాకెట్‌ కంపెనీ వర్జిన్‌ ఆర్బిట్‌ తన సిబ్బందిలో 85 శాతం మంది లేదా 675 మందిని బయటకు పంపనుంది. నిధులు సమీకరించడం క్లిష్టతరం కావడంతోనే కంపెనీ ఈ నిర్ణయం తీసుకున్నట్లు తెలుస్తోంది. సిబ్బంది కోత విషయమై యూఎస్‌ సెక్యూరిటీస్‌ అండ్‌ ఎక్స్చేంజ్‌ కమిషన్‌కు సంస్థ సమాచారం అందించింది. ఐరోపా నుంచి ఈ కంపెనీ తొలి ఉపగ్రహాలను కక్ష్యలోకి ప్రవేవపెట్టడంతో విఫలమయ్యాక పరిణామాలు మారాయి. ఉద్యోగ కోతలకు అవకాశం ఉన్నందున తన కార్యకలాపాలన్నిటినీ తాత్కాలికంగా నిలిపివేసినట్లు ఈ నెల మొదట్లో పేర్కొంది. బ్రిటన్‌ అంతరిక్ష పరిశ్రమలో మరిన్ని వాణిజ్య అవకాశాలు పెరుగుతాయని భావించిన తరుణంలో తాజా పరిణామం ఆ దేశానికి శరాఘాతం లాంటిదేనని విశ్లేషకులు భావిస్తున్నారు.