ట్విటర్ కీలక నిర్ణయం.. ఇకపై అలాంటి కనిపించవు

నిబంధనలకు విరుద్ధంగా ఉండే ట్వీట్లకు పరిమితులు వర్తింపచేయనున్నట్లు సోషల్‌ మీడియా సైట్‌ ట్విటర్‌ వెల్లడించింది. ఇకపై రూల్స్‌ను అతిక్రమించే ట్వీట్లను చూపడంపై (విజిబిలిటి) ఆంక్షలు అమలు చేయనున్నట్లు పేర్కొంది. ఈ మేరకు పాలసీని అప్‌డేట్‌ చేసినట్లు వివరించింది. దీని ప్రకారం ముందుగా విధ్వేషపూరిత ప్రవర్తన నిబంధనలను ఉల్లంఘిస్తున్నాయనిపించే ట్వీట్లను వడగట్టేందుకు ట్విటర్‌ విజిబిలిటీ ఫిల్టర్‌ను ఉపయోగించనుంది.  ఆ తర్వాత ఇతరత్రా విభాగాలకు కూడా దీన్ని విస్తరించనుంది. అభ్యంతరకరమైన ట్వీట్‌లపై వాటి విజిబిలిటీ మీద ఆంక్షలు విధించినట్లుగా అందరికీ కనిపించేలా ముద్ర వేస్తారు. అయితే ఆయా ట్వీట్లను ట్విటర్‌ తప్పుగా వర్గీకరించిందని వాటిని పోస్ట్‌ చేసిన యూజర్లు గానీ సంప్రదించిన పక్షంలో పున సమీక్షిస్తామని ట్విటర్‌ పేర్కొంది. అయితే ట్వీట్‌ విజిబిలిటీని పునరుద్ధరించేందుకు గ్యారంటీ అంటూ ఉండదని స్పష్టం చేసింది.