ట్విట్టర్ కు మరో షాక్

ఎలాన్‌ మస్క్‌ నేతృత్వంలోని ట్విట్టర్‌కు మరో షాక్‌ తగిలినట్లు తెలుస్తోంది. ట్విటర్‌ సోర్స్‌ కోడ్‌ ఆన్‌లైన్‌ లో లీక్‌ అయిందన్న తాజా అంచనాలు కలకలం రేపాయి. 44 బిలియన్‌ డాలర్లతో సంస్థను కొనుగోలు చేసినప్పటినుంచి అనేక సవాళ్లను మధ్య నెట్టుకొస్తున్న మస్క్‌కు ఇది మరో సవాల్‌ అని నిపుణులు భావిస్తున్నారు.  సాఫ్ట్‌వేర్‌ డెవలప్‌మెంట్‌ కోసం ఆన్‌లైన్‌ ప్లాట్‌ఫారమ్‌ నుండి లీక్‌ అయిన సమాచారాన్ని తీసివేసేలా ట్విటర్‌ చట్టపరమైన చర్య తీసుకున్న తర్వాత ఈ కోడ్‌ లీక్‌ విషయం వెలుగులోకి వచ్చింది. ముఖ్యంగా కోడ్‌లో భద్రతా  లోపాలు హ్యాకర్‌లను వినియోగదారు డేటాను దొంగిలించడానికి లేదా సైట్‌ను తీసివేయడానికి అవకాశం ఇస్తుందని నిపుణులు ఆందోళన వ్యక్తం చేస్తున్నారు. ఈ లీకైన్‌ సోర్స్‌ కోడ్‌లో ట్విటర్‌, ఇంటర్నల్‌ టూల్స్‌ ప్రాపర్టీ సోర్స్‌ కోడ్‌ ఉంది. అయితే ఇది ట్వీట్‌లను సిఫార్సు చేసే సోర్స్‌ కోడ్‌ లీక్‌లో భాగమేనా అనే దానిపై మరింత స్పష్టత రావాల్సి ఉంది.