Donald Trump : ట్రంప్‌ టారిఫ్‌లకు స్మార్ట్‌ ట్రిక్‌

అమెరికా అధ్యక్షుడు డొనాల్డ్‌ ట్రంప్‌ (Donald Trump) విధించిన ప్రతీకార సుంకాలను అధిగమించేందుకు అక్కడి కంపెనీలు తెలివిగా వ్యవహరిస్తున్నాయి. అగ్రరాజ్య విమానయాన సంస్థ డెల్టా ఎయిర్‌లైన్స్‌ (Delta Airlines) , ఫ్రాన్స్‌ (France ) లో తయారైన తమ ఎయిర్‌బస్‌ (Airbus) విమానాల నుంచి ఇంజిన్లను విడదీసి స్వదేశానికి తెచ్చుకుంటున్నది. అలా మిగతా విడిభాగాలనూ దిగుమతి చేసుకుంటున్నది. దీంతో 10 శాతం సుంకాలు తగ్గుతున్నాయి. దీన్నే టారిఫ్‌ ఇంజినీరింగ్‌ (Tariff Engineering) అంటారు. ఇది లీగల్‌. నిబంధనలకు లోబడే ఈ ప్రక్రియ సాగుతుండటంతో సుంకాల నుంచి ఉపశమనం లభిస్తున్నది. నిజానికి ఇది ఇప్పటిది కాదు. 1881లోనే దీన్ని ప్రయోగించి కార్పొరేట్లు లబ్ధి పొందారు.