డొనాల్డ్ ట్రంప్ ను విచారించొచ్చా.. లేదా? వాదనలు ఆలకించనున్న సుప్రీంకోర్టు
2020 నాటి దేశాధ్యక్ష ఎన్నికల ప్రక్రియలో అనుచితంగా జోక్యం చేసుకున్నారన్న ఆరోపణలకు సంబంధించి మాజీ అధ్యక్షుడు డొనాల్డ్ ట్రంప్ను విచారించొచ్చా లేదా అనే అంశాన్ని తేల్చేందుకు అమెరికా సుప్రీంకోర్టు అంగీకరించింది. ఈ వ్యవహారంలో ఏప్రిల్ నుంచి వాదనలు ఆలకించనున్నట్లు తెలిపింది. ఈ లెక్కన జూన్ చివరికల్లా తీర్పు వెలువడే అవకాశాలు ఉన్నాయి. అయితే ట్రంప్ విచారణార్హుడే అని తీర్పు వచ్చినా ఆ తర్వాత ఆయన్ను విచారించే ప్రక్రియ ఈ ఏడాది జరగనున్న అధ్యక్ష ఎన్నికల కంటే ముందు ముగుస్తుందా అన్నది అనుమానమే. అమెరికా అధ్యక్ష ఎన్నికల పోలింగ్ కొన్ని రాష్ట్రాల్లో ఈ ఏడాది సెప్టెంబరులోనే ప్రారంభం కానున్న సంగతి గమనార్హం. ఎన్నికలు ముగిసేదాకా విచారణను నిలిపివేయాలంటూ ట్రంప్ తరపు న్యాయవాదులు కోర్టును కోరే అవకాశాలు ఎక్కువగా ఉన్నాయి.
Tags :