రాజు చింతలకు కార్మెల్ మాజీమేయర్ బ్రెయినార్డ్ మద్దతు...
ఇండియానా 5వ జిల్లా కాంగ్రెస్ రేసులో ప్రముఖ వ్యాపారవేత్త, అంతర్జాతీయ ఆర్థిక సలహాదారు, రాజకీయవేత్త రాజు చింతలకు మద్దతు పెరుగుతోంది. సెంట్రల్ ఇండియానాకు రాజు చేసిన సేవలకు గానూ ఆయనకు పలువురు మద్దతు ప్రకటిస్తున్నారు. ఇందులో ముఖ్యంగా కార్మెల్ సిటీ మాజీ మేయర్ బ్రెయినార్డ్.. రాజు కు మద్దతుగా నిలిచారు.5వ జిల్లా కాంగ్రెస్ రేసులో రాజు చింతలకు అధికారికంగా ఆమోదం తెలిపారు.
తన ఎండార్స్మెంట్ వీడియోలో, బ్రైనార్డ్.... మిగిలిన ప్రత్యర్థుల కంటే చింతలను ఎన్నుకోవడానికి గల కారణాలను వివరించారు. "రాజు సెంట్రల్ ఇండియానాలో ప్రజల కోసం చాలా కష్టపడ్డారు, ఇండియానాకు మంచి ఉద్యోగాలు తెచ్చారు,ప్రజల గురించి పట్టించునే వ్యక్తి. సమస్యలను ఎప్పటికప్పుడు రాజు తన దృష్టికి తెచ్చేవారన్నారు బ్రైనార్డ్. ఇన్ని కారణాల దృష్ట్యా.. తాను కాంగ్రెస్కు రాజు చింతలకు ఓటు వేస్తున్నాట్లు తెలిపారు. మిగిలిన సభ్యులు రాజుకు ఓటు వేస్తారని విశ్వాసం వ్యక్తం చేశారు బ్రైనార్డ్. 28 సంవత్సరాలు మేయర్గా పనిచేసిన బ్రైనార్డ్, ఇండియానాపోలిస్లోని ఒక చిన్న శివారు నుండి ఇండియానాలోని నాల్గవ అతిపెద్ద నగరం కార్మెల్ పునరుజ్జీవనం ,పెరుగుదలలో కీలక పాత్ర పోషించారు.
కార్మెల్ మాజీ మేయర్ బ్రైనార్డ్ ఆమోదం తనకు చాలా ఆనందాన్నిచ్చిందన్నారు రాజు చింతల. అతని మద్దతుకు ధన్యవాదాలు తెలిపారు. మేయర్ బ్రైనార్డ్ కార్మెల్ను శక్తివంతమైన ఆర్థిక అభివృద్ధి ద్వారా, ప్రజల అవసరాలపై దృష్టి సారించి మరియు విజయానికి దీర్ఘకాలిక దృష్టితో నడిపించారు. 5వ జిల్లాలోని పౌరులందరి తరపున వాషింగ్టన్, D.C.కి తీసుకెళ్లడానికి, ఇవి తాను ప్లాన్ చేసిన అంశాలన్నారు రాజు చింతల.
రాజు చింతల ప్రస్థానం..
1996 నుంచి ఇండియానాకు చెందిన రాజు చింతల... విజయవంతమైన స్పీచ్-లాంగ్వేజ్ పాథాలజిస్ట్, హూసియర్ వ్యాపారవేత్త, అంతర్జాతీయ ఆర్థిక సలహాదారు మరియు రాజకీయవేత్త. అతను హామిల్టన్ కౌంటీ రిపబ్లికన్ పార్టీ కోశాధికారి మరియు ఇండియానా ఎకనామిక్ డెవలప్మెంట్ కార్పొరేషన్లో భారతదేశానికి సీనియర్ సలహాదారు. ఇండియానా ఇండియా బిజినెస్ కౌన్సిల్ వ్యవస్థాపకుడు మరియు అధ్యక్షుడిగా పనిచేశారు. రాజును ప్రెసిడెంట్ బిడెన్ 2022లో ప్రెసిడెన్షియల్ లైఫ్టైమ్ అచీవ్మెంట్ అవార్డుతో సత్కరించారు. గవర్నర్ పెన్స్ మరియు గవర్నర్ హోల్కాంబ్ ఇద్దరి నుండి సగమోర్ ఆఫ్ వాబాష్ అవార్డును అందుకున్నారు. రాజు తన భార్య డాక్టర్ ప్రసన్న చింతల, వారి కుమారుడు అనూప్ మరియు వారి పప్పీ స్నోబాల్తో కలిసి కార్మెల్లో నివసిస్తున్నారు.