తెలంగాణలో ఫాక్స్ కాన్ పెట్టుబడులు

తెలంగాణ రాష్ట్రంలో మరో మెగా పెట్టుబడి రాష్ట్రానికి వచ్చింది. తెలంగాణలో పెట్టుబడులు పెడుతున్నట్లు ఫాక్స్‌ కాన్‌ సంస్థ ప్రకటించింది. ఈ మేరకు ప్రగతి భవన్‌లో ముఖ్యమంత్రి కేసీఆర్‌తో ఫాక్స్‌ కాన్‌ చైర్మన్‌ యంగ్‌ లియూ భేటీ అయి ఈ విషయాన్ని ప్రకటించారు. ఈ పెట్టుబడుల ద్వారా రాష్ట్రంలో లక్ష మందికి ఉపాధి కల్పిస్తామని ఫాక్స్‌ కాన్‌ ప్రకటించింది. ఈ కార్యక్రమంలో మంత్రులు కేటీఆర్‌, హరీశ్‌రావు, సబితా ఇంద్రారెడ్డి, ఎమ్మెల్యే మంచిరెడ్డి కిషన్‌ రెడ్డి, ప్రభుత్వ ప్రధాన కార్యదర్శి శాంతి కుమారి, ఐటీ శాఖ ముఖ్య కార్యదర్శి జయేశ్‌ రంజన్‌తో పాటు పలువురు అధికారులు పాల్గొన్నారు.