TTA: టీటీఏ న్యూజెర్సీ చాప్టర్‌ బతుకమ్మ సంబరాలు విజయవంతం

తెలంగాణాలో బతుకమ్మ ఒక అత్యంత ప్రతిష్టాత్మకమైన పండుగ. రంగురంగుల పూలతో అలంకరించే ఈ పండుగను మహిళలు అంతులేని భక్తిశ్రద్ధలతో జరుపుకుంటారు. తెలంగాణ అమెరికన్‌ తెలుగు అసోసియేషన్‌ (TTA) స్థాపించినప్పటి నుంచి, ఈ సంస్థ తెలుగువారందరినీ కలుపుకుంటూ అమెరికావ్యాప్తంగా ఈ పండుగను అంగరంగ వైభవంగా నిర్వహిస్తోంది. టీటీఏ వ్యవస్థాపకులు డా. పైళ్ళ మల్లారెడ్డి ఆశీస్సులతో, డా. విజయపాల్‌ రెడ్డి (అడ్వైజరీ చైర్‌), డా. మోహన్‌ రెడ్డి పాటలోళ్ల (అడ్వైజరీ కో-చైర్‌), భరత్‌ రెడ్డి మాదాడి, శ్రీని అనుగు (అడ్వైజరీ మెంబర్స్‌), నవీన్‌ మలిపెద్ది (అధ్యక్షుడు), వంశీ రెడ్డి కంచరకుంట్ల (మాజీ అధ్యక్షుడు), శివ రెడ్డి కొల్లా (జనరల్‌ సెక్రటరీ) మార్గదర్శనంలో ఈ ఏడాది అమెరికా వ్యాప్తంగా బతుకమ్మ ఉత్సవాలను ఏర్పాటు చేశారు. ఈ వేడుకల్లో వేలాది మంది ఎన్నారైలు పాల్గొని తెలంగాణ సంస్కృతి, సంప్రదాయాలపై తమ అభిమానాన్ని చాటుకున్నారు.

టిటిఎ అడ్వైజర్‌ కో-చైర్‌ డా. మోహన్‌ పాటలోళ్ల స్వరాష్ట్రం న్యూజెర్సీలో, ఫోర్డ్స్‌లోని విశాలమైన, అందమైన గ్రాండ్‌ బాంక్వెట్‌ హాల్లో ఈ వేడుకను అద్భుతంగా నిర్వహించారు. శివ రెడ్డి కొల్లా (టీటీఏ సెక్రటరీ), నర్సింహ పెరుక (ఇంటర్నేషనల్‌ వైస్‌ ప్రెసిడెంట్‌), సుధాకర్‌ ఉప్పల (న్యూస్‌లెటర్‌ డైరెక్టర్‌), అరుణ్‌ అర్కాల (బీవోడీ), నరేందర్‌ యారవ (స్టాండింగ్ కమిటీ చైర్‌) మరియు శ్రీమతి దీపా జలగం (ఉమెన్స్‌ టీమ్‌ లీడ్‌) ఆధ్వర్యంలో ఈ కార్యక్రమం చక్కగా జరిగింది. దాదాపు 5,000 మందికి పైగా ప్రజలు ఈ వేడుకలో పాల్గొన్నారు. ఈ కార్యక్రమంలో పురుషులు, మహిళలు, పిల్లలు సంప్రదాయ దుస్తులలో పాల్గొని న్యూజెర్సీలో తెలంగాణ వాతావరణాన్ని సృష్టించారు. ఈ కార్యక్రమం అద్భుతమైన విజయం సాధించడానికి ప్రశాంత్‌ నలుబందు, రాజా నీలం, సాయిరాం గజల (టీటీఏ న్యూజెర్సీ ఆర్‌వీపీలు) మరియు న్యూజెర్సీ కోర్‌ టీం తీవ్రంగా కృషి చేశారు. ఈవెంట్‌ సమయంలో అనేక మంది వాలంటీర్లు సహాయం అందించారు.

వేడుకలు ఉదయం 11 గంటల ప్రాంతంలో ప్రారంభమయ్యాయి. హాల్‌ మధ్యలో ఏర్పాటు చేసిన 12 అడుగుల భారీ బతుకమ్మ ప్రత్యేక ఆకర్షణగా నిలిచింది. ఎస్‌డిపి పూజారి రామాచారి టీటీఏ కోర్‌ టీంతో కలిసి గౌరీ పూజ నిర్వహించడంతో కార్యక్రమం పవిత్రంగా ప్రారంభమైంది. తర్వాత తారిక-తన్విక టీమ్‌ (తార ఆర్ట్స్‌ అకాడమీ) అమ్మవారిని వర్ణిస్తూ ఆకట్టుకునే నృత్య ప్రదర్శన ఇచ్చారు. ఈవెంట్‌ ఎంసీ శ్వేత కొమ్మోజి మహిళలను బతుకమ్మ ఆడేందుకు ఉత్సాహపరిచారు. భారతదేశం నుంచి వచ్చిన ప్రముఖ జానపద గాయని శాలిని బతుకమ్మ పాటలు పాడుతూ, మహిళలను వలయాలుగా ఏర్పరచడంలో, వారికి ఆట నేర్పించడంలో అద్భుతమైన కృషి చేశారు. న్యూజెర్సీ అంతటా మహిళలు తమ భక్తిని, సంస్కృతిపై తమకున్న అభిమానాన్ని చాటుతూ 200లకు పైగా అందమైన బతుకమ్మలను తీసుకువచ్చారు. వేలాది మంది మహిళలు, పిల్లలు పాటల ట్యూన్‌లకు అనుగుణంగా బతుకమ్మల చుట్టూ నృత్యం చేయడం ఒక అద్భుతమైన అనుభూతినిచ్చింది. ఆ సందర్భం యొక్క దివ్యత్వం, అందం వర్ణించలేనివి. ప్రముఖ తెలుగు సినీ నటి శ్రీమతి రోజా రమణి ఈ వేడుకకు హాజరయ్యారు, ఈ సందర్భంగా ఆమెను సత్కరించారు.

పొరుగు రాష్ట్రాల నుంచి టీటీఏ నాయకత్వ బృందం- సహోదర్‌ పెద్దిరెడ్డి (కోశాధికారి), నర్సింహ రెడ్డి దొంతిరెడ్డి (బీవోడీ – 10వ వార్షికోత్సవ చైర్‌), శ్రీనివాస్‌ గుడూరు (లిటరరీ `సావనీర్‌ డైరెక్టర్‌), రంజీత్‌ క్యాతం (బీవోడీ), సునీల్‌ రెడ్డి గడ్డం, రామ వనమ, ప్రదీప్‌ కడియపురం, అనుదీప్‌ ధిడ్డి వంటివారు ఈ వేడుకలకు హాజరయ్యారు. అనేక స్థానిక, జాతీయ సంస్థలు టిఫాస్‌, తానా, ఆటా, నాట్స్‌, ఐసిఓ, టిడిఎఫ్‌ లకు చెందిన నాయకులు కూడా ఈ వేడుకలకు వచ్చి తమ మద్దతు తెలిపారు. పియూష్‌ సింగ్‌ (సీజీఐ ఎన్‌వై కాన్సుల్‌`పొలిటికల్‌, పీఐసీ), శ్రీధర్‌ చిల్లర (సీఈఓ మవటీవీ, టీవీ5 యూఎస్‌ఏ), రఘు శర్మ శంకరమంచి (ఎస్‌డీపీ), దాము గేదెల (కమ్యూనిటీ లీడర్‌), ఉపేంద్ర చివుకుల (మాజీ అసెంబ్లీమెన్‌) వంటి ప్రముఖులు ఈ కార్యక్రమానికి హాజరై చక్కగా నిర్వహించినందుకు టీమ్‌ను అభినందించారు. సుధాకర్‌ ఉప్పల, శివ రెడ్డి నాయకులను, ప్రముఖులను ప్రేక్షకులకు పరిచయం చేశారు. ప్రతి సంవత్సరం డా. మోహన్‌ పాటలోళ్ల అందించే నిరంతర మద్దతు, ప్రధాన స్పాన్సర్‌షిప్‌కు గుర్తింపుగా ఆయన చిత్రాన్ని చిరుధాన్యాలతో తయారు చేసి ఆయనకు బహుకరించారు. ఈ చిత్రాన్ని నర్సింహ పెరుక సమన్వయం చేయగా, ప్రముఖ భారత చిరుధాన్యాల కళాకారుడు శ్రీ విజయ కుమార్‌ మోకా తయారు చేశారు.

ఉత్తమ బతుకమ్మలకు మాయ ఫైన్‌ జ్యువెలర్స్‌ బహుమతులు స్పాన్సర్‌ చేసి అందించింది. టీటీఏ ఉత్తమ దుస్తులు ధరించిన మహిళలకు కూడా బహుమతులు ఇచ్చింది. నాయకులు, ప్రముఖులు స్పాన్సర్‌లు, దాతలు, కళాకారులకు జ్ఞాపికలు అందజేశారు. నరేందర్‌ యారవ మార్గదర్శనంలో బతుకమ్మలను నీటిలో నిమజ్జనం చేసి కార్యక్రమాన్ని ముగించారు. 12 అడుగుల భారీ బతుకమ్మ ఈ వేడుకలో ప్రధాన ఆకర్షణగా నిలిచింది. దీనిని రమణ, శ్రీమతి దీపా జలగం, నర్సింహ పెరుక మరియు కోర్‌ టీం ఎంతో శ్రద్ధతో, అంకితభావంతో తయారు చేశారు. స్టాల్స్‌ ఏర్పాటు చేయడంలో న్యూజెర్సీ కోర్‌ టీం, యువత సహాయం అందించారు. పెద్ద సంఖ్యలో మహిళలు ఈ స్టాల్స్‌లో తమకు నచ్చిన దుస్తులు, ఆభరణాలను కొనుగోలు చేశారు.

స్పాన్సర్‌లు, దాతలు, వాలంటీర్ల సహాయ సహకారాలకు హృదయపూర్వక ధన్యవాదాలు. వారి మద్దతు లేకుండా ఇది సాధ్యమయ్యేది కాదు. స్పాన్సర్‌లు- మాయ ఫైన్‌ జ్యువెలర్స్‌, ఎన్‌వై లైఫ్‌, నిహి ఫుడ్స్‌, పెప్పర్‌ హౌస్‌ (ఫుడ్‌ వెండర్‌), సోమిరెడ్డి లా గ్రూప్‌, ఏఎన్‌జీ ఇన్‌ఫోటెక్‌, ఆక్స్రియా మరియు బిగ్‌ చికెన్‌లకు మా ప్రత్యేక ధన్యవాదాలు. వాని (వైబ్రెంట్‌ స్టైల్‌ డెకర్స్‌), శ్రీనివాస్‌ జగన్నగారి (డీజే జగూస్‌), చిన్నారెడ్డి సామా (ఫోటోగ్రాఫర్‌), మయూర్‌ రాణా (ఢోల్‌), మసాటో ఈవెంట్స్‌ (ఎల్‌ఈడీ), కృష్ణ (ఏఏఏ చెకర్‌ టాక్సీ) వారి సేవలకు నిర్వాహకులు ప్రత్యేక ధన్యవాదాలు తెలియజేశారు.

Click here for Photogallery