NYTTA: న్యూయార్క్‌లో ఘనంగా పిల్లల కోసం ‘భోగి పళ్లు’ వేడుకలు

Nytta To Celebrate Bhogipallu For Kids In New York On January 17

Published By: Vishal
January 9, 2026 / 03:58 PM IST

న్యూయార్క్ తెలంగాణ తెలుగు సంఘం (NYTTA) ఆధ్వర్యంలో సంక్రాంతి సంబరాల్లో భాగంగా పిల్లల కోసం ప్రత్యేకంగా ‘భోగి పళ్లు’ కార్యక్రమాన్ని నిర్వహించనున్నారు. ఈ వేడుకను “న్యూయార్క్ తెలంగాణ గుండె చప్పుడు” అనే నినాదంతో అత్యంత వైభవంగా ఏర్పాటు చేస్తున్నారు.

వేదిక, సమయం: ఈ వేడుక 2026, జనవరి 17వ తేదీ శనివారం ఉదయం 10:00 గంటల నుండి మధ్యాహ్నం 1:00 గంటల వరకు జరుగుతుంది. న్యూయార్క్ లోని ప్లెయిన్‌వ్యూలో ఉన్న సాయి మందిర్ ఈ కార్యక్రమానికి వేదిక కానుంది.

నిర్వాహకులు: ఈ కార్యక్రమాన్ని NYTTA ఎగ్జిక్యూటివ్ కమిటీ ప్రెసిడెంట్ రవీందర్ కోడెల, బోర్డ్ ఆఫ్ డైరెక్టర్స్ చైర్మన్ డాక్టర్ రాజేందర్ రెడ్డి జిన్నా, అడ్వైజరీ కమిటీ సభ్యుల పర్యవేక్షణలో నిర్వహిస్తున్నారు. హరి చరణ్ బొబ్బిలి (వైస్ ప్రెసిడెంట్), మహేష్ బాబు డోమల (సెక్రటరీ), డాక్టర్ సౌమ్య శ్రీ చిట్టారి (ట్రెజరర్) తో పాటు ఇతర కమిటీ సభ్యులు ఈ వేడుక విజయవంతం కావడానికి కృషి చేస్తున్నారు.

మన సంప్రదాయాలను భావితరాలకు అందించాలనే ఉద్దేశంతో నిర్వహిస్తున్న ఈ భోగి పళ్ల కార్యక్రమంలో ప్రవాస తెలుగువారందరూ తమ పిల్లలతో కలిసి పాల్గొనాలని నిర్వాహకులు కోరుతున్నారు. మరిన్ని వివరాల కోసం www.nytta.org వెబ్‌సైట్‌ను సందర్శించవచ్చు.