CA: కాలిఫోర్నియాలో ‘చంద్రబాబు’ 75వ జన్మదిన వేడుకల సందడి..హాజరైన టిడిపి నాయకులు, అభిమానులు
- Published By: techteam
- April 20, 2025 / 08:37 PM IST
తెలుగుదేశం పార్టీ జాతీయ అధ్యక్షుడు, ఆంధ్రప్రదేశ్‌ ముఖ్యమంత్రి చంద్రబాబు నాయుడు (Chandrababu) 75వ జన్మదిన వేడుకలను కాలిఫోర్నియాలోని టిడిపి నాయకులు, కార్యకర్తలు, అభిమానులు సందడిగా జరుపుకున్నారు. శాన్‌ రామోన్‌ లోని స్పోర్ట్స్‌ పార్క్‌ లో ఈ వేడుకలు వైభవంగా జరిగాయి. ఏప్రిల్‌ 19న జరిగిన ఈ వేడుకలకు భారీ సంఖ్యలో టిడిపి నాయకులు, ఎన్నారైలు హాజరయ్యారు. కాలిఫోర్నియాలోని టీడీపీ, ‘చంద్రబాబు’ అభిమానులందరినీ కుటుంబ సమేతంగా ఈ కార్యక్రమానికి నిర్వాహకులు ఆహ్వానించారు. నభూతో నభవిష్యతి అన్న రీతిలో జరిపారు. గత ఏడాది మాదిరిగానే పిల్లలు, పెద్దలు అందరూ భారీగా ఈ వేడుకలకు హాజరై సందడి చేశారు. జన్మదిన వేడుకలతో రూపొందించిన టీషర్టులను అభిమానులు ధరించారు. బ్యానర్‌లను, టీడీపీ గొడుగులను మరియు మహిళలు పసుపు చీరలను ధరించి ఎంతో ఉత్సాహంగా, ఉల్లాసంగా ఈ వేడుకల్లో పాల్గొన్నారు. చిన్నారులు, ఎన్నారై టీడీపీ పార్టీ నాయకులతో కలిసి చంద్రబాబు పుట్టినరోజు కేక్‌ కట్‌ చేశారు. ట్రై వ్యాలీ ఎన్నారై టీడీపీ నాయకులు, ఐటీ నిపుణులు, సీనియర్‌ సిటిజన్లు చంద్రబాబు నాయుడు ఆయురారోగ్యాలతో ఉండాలని ఆకాంక్షిస్తూ శుభాకాంక్షలు తెలిపారు.
ఈ వేడుకల్లో భాగంగా వచ్చినవారికోసం పసందైన విందు ఏర్పాటు చేశారు. ఈ కార్యక్రమాన్ని ట్రై వ్యాలీ ఎన్నారై టీడీపీ నాయకుడు ఎంవీ రావు సమన్వయ పరిచారు. సురేష్‌ పోతినేని, శ్రీకాంత్‌ దొడ్డపనేని, రామ్‌ మద్దినేని, సూర్యనారాయణ ఆలపాటి, గీతా ఆలపాటి, వంశీ పాలడుగు, చంద్ర గుంటుపల్లి, శిల్పా మద్దినేని, ఆదినారాయణ, రామ్‌ బైరపనేని, నరేష్‌ జంపాని, బాలకృష్ణ కంతేటి, గాంధీ పాపినేని, వెంకట్‌ కోగంటి, శ్రీనివాస్‌ వేముల, వంశీకృష్ణ నేలకుడిటి, నరహరి మర్నేని మరియు హరిబాబు బొప్పుడి తదితరులు ఈ వేడుకల్లో పాల్గొన్నారు.
